Press "Enter" to skip to content

Chinmi Hrangah 2020 Thimnak Cu Lungput Phunhnih I Zuamcawh Nak A Si: Pu No Than

Kawl Party a upat tu -vs- Mai Chin Party a upat tu : (1) Kawl miphun tang i um a duh mi -vs- Chin miphun damnak hawl ai timtu. (2) Kawl bawipawl phung hrampi le lubik i a chia tu – vs- Chin mipi phung hrampi le Pathian lubik i a chia tu.

(3) Kawl miphun tthawn tertu -vs- Chin miphun tthawn tertu. (4) Rampi phaisa mah Party le mah pumpak Phaisa bantuk ah chia in Mipi thlem lungawi i vote cawk a tim tu -vs – Chin miphun damnak cu Chinmi dihlak ca a si timi au aw he mipi a tthihruai tu.

(5) Kawl Nunphung, Biaknak, Ca, phung le lam a zul duhmi -vs- Chin Nunphung, Biaknak, Ca, phung le lam nunter i tthawnter a duhtu. (6) Tthutden sang tthu kho dingin Kawl bawi hmai i lukun a hreh lotu -vs – Kawl bawi he ai rual i a dirngam tu.

(7) Kawl loin a nung kholo i a ruat tu -vs- Kawl tel loin kan nung kho tuk ti hmu thiamtu. (8) Nutak nakin Nu-ei (miphun dang) duh deuhtu -vs- Mah hringtu Nutak (Chin miphun) bak a tleihchan thiamtu.

(9) Milem hmaiah khupbil in lukhun hreh lotu -vs – Milem hmai i khup ai bil ballo mi zumtu diktak. A cung i lungput pahnih ah khoi deuh dah kan dirpi timi ah Chin miphun kan dir khawh le khawh lo ai thei lai.

Vulei cung rak uknak Rom khawpi zong ni khat chung menah dir a si lo (Rome was not built in one day). Chinram tungding kho dingah a hram kan thawk ka a si. Kan tlai deuh nan kan kal thluahmah lai, Chin ram damnak Meifar a mit ti lai lo. Chinram le miphun hmailei kong cu Chin mino Liang cungah a um cang.

Be First to Comment

Leave a Reply

Your email address will not be published. Required fields are marked *