Press "Enter" to skip to content

Chinmi Tamnak Cem Tahan Ah Kum 10 Lawng A Si Rih Mi Hngakchia Cu Fak Tuk In Tlaih Hrem A Si

Kalaymyo Tahan veng nemi 10 i a um mi kum 10 long a si rih mi hngakchia nute cu a pa-ei i a hawipa nih a sualpi ti a si i, November 11 ni ah Kalaymyo palik sin ah theihter an si. Kum 50 i a upa mi nu pakhat cu fa hnih a neih hnuah a pasal he ai then mi an si i, kan hnu thla ah khan kum 30 i a upa mi pa he an i um than. Tahan nemi 10 ah um mi an si i an inn ahcun a pasal i a hawi pa kum 28 hrawng minung cu zu rit bu in a leng hna, a riak tawn hna.

Nikhat cu nucem a si mi intang i rawl a chumh lio ah a fanu hngakchia deuh mi nih ka u a tap lengmang tiah a nu cu a va chimh nain, a nu rawlchumh mi laklawh tuk cu zoh colh loin a um. A hnu ah inn cung ah a va kai i, a fanu upa deuh kum 10 minung cu taklawng in a rak tap cuahmah ko. bia a hal tik ah a fanu nih cun zeibia hmanh a chim duh loh.

A hnu ah an unau in bia an i el i a naunu nih cun sualpi mi nu tiah a auh i a nu nih cun a theih. Cuti cun, hngakchia nu kha a nu nih a hal tik ah a unu a sualpi nak kong kha a nu sin ah a chimh dih tisi. A nu nih cun thilsining a theih ko nain a pasal hawipa a si ruang ah cun palik sin ah a report ngam loh. A pasal nih a huat sual lai a phang. a ka then sual lai ti a phan caah a report ngam loh. Cupin ah report ning zong ka thiam loh phaisa zong ka nei loh kapasal nih a rem tinak a um lo cun ka ngamh loh tiah tawlrelpitu Dingdi nunau pawlkomh sin ah cun a chim.

Cuti cun,dingdi nunau pawlkomh i buaipi nak in cu buai nak cu palik sin ah phanhpi a ai i, a fanu hngakchia deuh nih cun, thilnsining vialte cu palik sin ah a chim dih. Cu bak cun sualtuah tu pa zong a zanzan in palik nih an tleih colh.Tu ah cun palik cu theihpitu siloin hngakchia kum 7 nute cu theihpitu bantuk a si tikah mipi hmai i biahal a rem loh i, Court lei nih an kawh tik ah buainak cu Court ah ceih te ding a si tiah buaipitu Dingdi nunau pawlkomh nih cun Vapual Auaw sin ah an chimh hna. Credit : VAPUAL AUAW

Be First to Comment

Leave a Reply

Your email address will not be published. Required fields are marked *