Press "Enter" to skip to content

Chinram CDF/PDF Hna Caah Thawngtha Tuk A Si Cang Ko Hih

Chin ram ummi CDF le PDF phu 17 phufonh mi ” Chin Land Joint Defense Committee” caah funding kawlnak an tuahmi cu US dollar 40000 hrawng hmuh a si tiah Save Myanmar USA nih theihternak cathanh an chuah. January 16, Myanmar caan zinglei suimilam 8:00 ah Save Myanmar USA tuanvo laknak in online funding kawlnak voi.3 nak cu tlamtling tein tuahkhawh a si,

funding kawlnak ah NUG cozah vuanci si mi Dr.Zaw Wai Soe le U Thin Lyin Awng zong i tel in biachimnak an ngei, cun PDF-Zoland in Sayamah Emma le Pu Dong Khup zong an i tel kho i Sayamah Emma nih lunglawmh biachimnak a ngei tiah theih a si.

Save Myanmar – USA nih nunnak pek in kahdohnak ah aa telmi hna Local PDF cu khuapau dothlen teinak hmuhkhawhnak ding caah a biapituk mi an si caah bawmhchanhnak pekding in le,

an herhnak ah tuanvo lak in bawmhchanhnak tuahtu NUG cozah in vuanci hna cun khuapau dothlennak ding caah a hramthawk in a dongh tiang aa telmi hna cu kan sikhawhchung in kan bawmhlai tiah an chim.

Ramchung, ramleng in bawmchantu hna an i telnak online funding kawlnak cu 2021, November thladih cu hnubik ah chiah a si.

Online funding kawlnak puai cu voi 3 tiang tuah a si i, voi 3 tiang tuahmi chungin hmuhmi phaisa dihlak cu American dollar 120,000 hrawng hmuh a si cang tiah theih a si.

Ref; tcp, Khit Thit Media

Be First to Comment

Leave a Reply

Your email address will not be published.