GANGAW AH CDF PAKHAT RALHRANG KUTIN A NUNNAK LIAM. Lawngtlai 24 Vaupi 2022 : Chinram, Gangaw ah CDF – Zotung Salai Lin Lin Aung cu ralhrang nih 23 Vaupi 2022 ah a ke ah voikhat a keng ah voihnih meithal in an kah i a nunnak a liam tiah kan theih. Khuami pakhat nih ” A nih hi Zawngnak khuami a si i, Gangaw ah rianherh a um caah kal a tim,
hringtu a pa nih na phone i ken hlah an in tlaih sual lai tiah a ti, a fapa nih cun hmanthlak ka delete dih cang tiah a ti i a phone cu a ken, lampi ah ralhrang nih an tlaih i, a phone an zoh tikah Gallery i a ummi hmanthlak cu a delete dih ko nain File chung i a ummi a rak delete lo , cu tikah Training tuahnak hmanthlak le uniform in a umnak hmanthlak hna an hmuh caah a tli i meithal in a ke ah voikhat, a keng ah voihnih an kah i a nunnak a liam” tiah a chim. Crd; The Lairam Times
Relchap; MAH Nih Ka Sungh Cang Ko Tiah Phungning Tein Thanh A Ngamhlo Caah EAOs He PEACE Tuah Aduh. MWD TV in 22 April 2022 ah, Ralhrang Luzik MAH nih EAO Hruaitu hna he tawn ka duh, PEACE ka duh, Keimah pumpak in ka tawn hna lai I Biaruah ka duh hna, a herh ahcun nehhnu program zong kan suaisam chih lai. 2022 cu Remdaihnak kum kan ti mi a Hlawhtlinnak hnga caah EAOs vialte sinah PEACE tawnbiaruah awkah ca an kuat dih hna. May 9 hlan ah cazin kan pek uh law nicaan cu kan remhchun te lai tiah a ti hna.
Bochu Zaw Melung nih PDF / CDF / LDF cu kan sawm hna lo. Ralhrang ansi caah asi ati. EAO nih an bawmh hna caah GZ Ralkapbu nih an ka TEI tiah a zumh caah hitin a tuahnak hi asi. EAOs he PEACE atuah khawh ahcun, PDF / CDF / PDF kha hloh in, NUG sungh ter cikcek hnu ah, Thimhnak tuah, MAH le Ralhrang Rallokap nih zungzal ukding timi Planning he PEACE tuah aduh nak asi.
A Satan thluak asi. EAO lawngte an um hnu ah biakam Senthuhnak a hrawk lai I, EAOs cu a den te hna lai. Cuticun Kawl pennak, Ralhrang pennak, Buda Bada pennak cu Kawlram ah zungzal an dirh te lai, Hninh khawh le ṭhial khawh asi ti lailo. NUG le CDF / PDF / LDF an thazang a ṭhawn chinchin, a tei ti hna lo, TEI khawh an si ti lo, ti kha a hngalh caah PEACE lei aa ti ter mi asi. Phungning tein thanh kha angamh lo, Surrender tuah azohchia a ti caah PEACE aa ti ter mi asi.
Arau hlan ah Mipi nih TEINAK kan hmuh cang lai, Mipi sinah Uknak aphan cang lai, NUG kut ah mipi nih uknak kan chanh can a nai cang. Kawlram dam hram aa thawk cang lai, ti hmelchunhnak asi. Cucaah hi PEACE TALK ah tel aduh mi upa le hruaitu cu luat loin hloh si ve hnaseh, Dalan Tumrangpi an si ko caah.
MAH nih Theory aapalh mi cu EAOs le CDF / PDF ṭhen hi asi.
Chin, Kachin, Karen, Kareni, Shan ah EAOs le CDF / PDF cu ṭhen khawh asilo. EAOs ruangah CDF / PDF an thawn siloin, CDF / PDF ruang ah EAOs an thazang acak chin, TEI awk an ṭhalo ti tu hi biadik le biahman asi. Tutan PEACE TALK ah tel aduhmi EAO hruaitu upa nih nan hngalh awk asi mi cu; CDF / PDF an um lo ah cun a rau hlan an den colh hna lai, nan cihmih khawh asi ti hi asi ko. I faksak hlah uh. MAH nih Theory aapalh mi cu Mipi nih kan tei cang tinak asi. Hmailei zong an kan tei ti lailo tinakasi. Crd; Zingtincuai Cinzah
Be First to Comment