Press "Enter" to skip to content

Chinram Kulh Khuapi,Paletwa,Tidim,Tonzang,Matupi,Falam,Mipi Hna Khua Hi Faak Deuh In Van Ruat Rih Hna Usih!!! Rel A Phu Tuk Mi Asi.

Kan ram buainak hnu bik cu kumkhat le thla 1 a tling ve cang i,hi chungah Chin mino hna nunnak tampi a liam cang i,tampi nih hliam an tuar lawng si lo in,pumtlam tlinglo kan mino hna tampi an um cang i,ngakttah tampi an um pinah,Nuhmei tampi an um cang.

Kan miphun chung in tampi an inn le lo chuh piak an um bantuk in,an inn le an lo tampi an khangh piak cang hnachungkhar nih an thah i an ei sianlo mi an sattil zuat lio mi cu ralhraang nih an duhduh in an thah piak hna i an ei piak hna caah lungfaak in zeizat remruamdah kan um cang hna mu!

Hilio ah Chinram chung ah Chin miphun hna nih a lamkip in dohdalnak cu tuah le kalpi cuahmah ve a si i,ram chung ram leng in chaw le va in tampi nih bawmh le chanhnak an tuah i an ngei cuahmah fawn.Hi kong ah hin ralhraang lung a zawr cuahmah cang tiin thanuamnak tampi kan ngeih lio caan ah ,thawngpaang ttha lo,ngaihchiatnak thawngpaang theih a si.

Cu thawngpaang kan theih mi cu,”Chinram chung in peng 5,Tidim,Tonzang,Falam,Matupi,Paletwa,peng ahcun tang 10 camepuai a phi ding mi peng 5 fawnh ah minung 3000 renglo an um,tiah theiha si.Hi kong kan theih cu,ralhraang pawl nih Chinram le a chung um Chin miphun an kan tei bantuk pakhat a si.Ral iteinak hi a phunphun a um i,cu chung ahcun,Office kai peng khawh le siangin kai peng khawh hi an kan teinak phun ah aitel mi teinak sang taktak a si ti mi hi kan ifian a herh bak mi a si.

Note:Hi kong ah hin,Chinram chung um,Falam peng,Tidim peng,Tonzang peng,Matupi peng,Paletwa peng,minung a si mi,a hlei in Chin mi a si mi paoh nih hi thawng hi kan theih ko ahcun tang 10 a phi ding paoh cu CDF,CNDF,PDF Zoland or CNA hna nih ttuanvo kan laakpiak kho cio ulaw,ralhraang nih kan tei hna an ti khawhnak hnga lo…Crd tin duh


RELCHAP THAWNGDANG……..National League for Democracy (NLD) party hruaitu le Myanmar ram ruahnak petu Aung San Suu Kyi tel in NLD party chungtel minung 832 cu SAC nih an tlaih hna i, cu chung in minung 645 cu atu tiang an thlah rih hna lo, tiah NLD party nih an thanh. Tlaih a tong mi hna chung ah Myanmar President U Win Myint le Mandalay ramṭhen chief Minister Dr. Zaw Myint zong an i tel, tiah an cathanh ah an langhter.

Tlaih a tong mi hna hi SAC ralkap nih uknak an laak hnu February 1, 2021 – March 14, 2022 chung ah SAC nih an tlaih mi hna an si i, cu chung in minung 171 an thlah cang hna nain 645 an hren rih ko, hna tiah theih a si. SAC nih an tlaih mi hna ah Member of Parliament(MP) 107 an i tel, MP 14 cu an thlah cang hna nain MP 92 cu an hren rih hna tiah NLD lei nih an chim.

SAC ralkap nih an hrem hnanak ah le thonginn chung i an zohkhenh hna ning a chiatkhat tuk ruangah MP pakhat le midang 15 an nunnak a liam, tiah NLD party lei an cathanh ah an langhter chih. Uknak laak a si thok in Yangon khuapi Central zung le ramṭhen, ramkulh, pengkomh, peng le khuate party zung hna cu voi 98 tiang luhhnawh in doh an tong i bomb puahhnawh, zung cheukhat cu meikhangh hnawh zong an tong, tiah NLD nih an thanh.

Be First to Comment

Leave a Reply

Your email address will not be published.