Chinram Kulh Palek A Tuan Mi Le Khuabawi Vialte Nan Rian I Ngol Dih Uh Pehzulh Rih Hlah
Chin State khuakip kip ah Police a ttuanmi, Chin miphun vialte kha, CDM tuah cio ding a si nain a police rian aa thawh i, Ralkap uknak dohtu pawl tlaih ah aa thawhmi an um rih sual maw? Nan chungkhat cio, nan sahlawh cio police a ttuanmi an um ahcun rak ichimh-chawnh cio ulaw Police rian in an ingol chung cio a tha e!
Khuabawi a ttuanmi vialte zong rak i ngol chung dih u! Tulio cu, “self-rule” mahte in i uk caan a si. Laimi nih kan bochanmi Dr Hmuh Thang zong USDP in chuahnak resignation tuah cang sehlaw, 2021 hnu cun Chin State ahhin USDP rim hrim hrim, nam ti hlah sehlaw a tha. Lungrual tein Ralkap doh caan a si. Ralkap kan tei lai i, Federal Democracy kan dirh ttthan colh lai i, cu tikah political parties cu nan dirh cio tthan te lai. Tulio caan ahhin Ralkap he aa pehtlaihmi paoh chah/ cut off tuah caan a si. A thurhnawm min vialte thianh caan a si.
Kawl Ralkap hi kan ttih tluk in an rak thawng lo. Tulio bantuk caan ahhin an der khun. Kawlram Mipi dihlak kan von cawl ahcun an lau taktak. Cun, Tulio bantuk mass demonstration ahhin Hriamtlai pawl nih caan ttha an lak sual lai timi zong an ttih taktak lai. Biatak tein civil war chuak sehlaw, anmah Ralkap chung lila, Battalions / Military units tampi cu an meithal her in Mipi lei an ttang kho timi zong an ttih rih fawn lai. Cucaah, Min Aung Hlaing hi, atu aa hngilh kho ti lai lo.
Tulio caan hi Kawlram pi aa thleng thainak ding caah “golden chance” a si tiah ka ruah. Cucaah, si kho sehlaw tiah ka saduhthah cu, Hriamtlai dihlak, CNF/A, KNU, KIA tbks vialte hmun khat ah ifun kho vial dih hna sehlaw, mipi hnulei ah ready in dirh cang hna sehlaw, Cutin an ifun khawh ahcun, Libya ram ah sandahpiah pawl nih Muammar Gaddafi cu zu kua chung tlaih in an va tlaih bantuk in, Min Aung Hliang zong hi aa thuhnak kua chung ah zu tlaih in va tlaih khawh lio caan a si tiah ka ruah.Cucaah, thachiat ding a si lo. Naite bachim ah a von lang ahkhan a mit kua a tla viar cang si khaw, raltha tein kan fight chin thluahmah ko ahcun kan tei hrim lai. Credit: Zasang Cinzah
