Press "Enter" to skip to content

Chinram Paletwa Ram Kulh Chungah Pawtaw Le Inn Zuat Satil Arva Duh Paoh In An Thah Piak Than Hna

Kawl ralkap Lutlai Min Aung Hlaing nih Kawlram nak hramhram in a vun lak hnu ah Chinram cu khua ci mui in kan buai,Chinram lawng si lo in kawlram pumpi in khuaci kan mui cuahmah,cu lio ah Chinram nih kan phan taktak in 88 lio i Kawl ralkap hna nih Chinram khute lei ah an duh tha rek in an cawlcang t’han sual lai maw ti hi a si.

Cu lio ah kan theih mi cu Chinram kulh a si mi Paletwa ram kulh chung khuate cheu khat ah cun Kawl ralkap nih 88 lio chan bantuk in an cawlcangh hnawh hna tiah theih a si.Paletwa ram kul chung khua pa khat ah cun Kawl ralkap an phan i,an khua bawi le hruaitu hna cu rianrang in an kawh hna i cu bantuk kha ban tuk thil a ran nak in rak kan pe uh tiah an chim dih in khua lak an i chawk i kawm chungah an erh mi Vok cu an kah piak hna

Kawm chungah a um mi Vok an kah piak hna pin ah Khuanu Khuapa hna cu thinphang in a hro cer hna pin ah Ar an zuat lio mi pa kua 9 rak kan pe uh an ti hna i,cu tin cun khua hruaitu hna nih an pek hna tiah theih a si.cu lio ah Kawl ralkap le Palek cheu khat hna cu tuchun ah India ram Mizoram ah zei maw zat an zam ve tiah theih a si fawn.

Note: thawngpang kan lak nak a source hi micheu nih cun langhter an duh lo caah a dip diar in thawngpang kan lak nak le thil a can nak hmun taktak le a can hna hi kan langhter ngam lo.ca reltu nih na kan ruah thiam nak lai kan in nawl fawn hna.asi khawh chungin kawlram lei thawngpang update khawh peng kan i zuam lai.

Be First to Comment

Leave a Reply

Your email address will not be published. Required fields are marked *