Press "Enter" to skip to content

CNA, CDF Le CNDF Hna Ralhrang Kutin An Thih Lengmang Nak A Ruang CNF/A Hruaitu Hna Nih An Kawl A Hau

Chin miphun ralkap CNA, CDF le CNDF pawl ralkut in an thi lengmang cang. Ngei a chia, lung a fak, thin a hung. Cucaah CNF/A leaders le Commanders pawl nih a tha te in tuaktan ( study) a hau tuk cang. CNA nih Kachin ram ah training 1989 kum kan dih bak in ralram ah ral kan tuk cawlh. Kachin ram kanum chung ralram ah CNA in a thi tiah thong kan theih hmasa bik mi cu Salai ThongLian Piang asi.

Zeitindah a thih ning asi tihi Kachin ram in Chin ram kan phanh tiang fiang te in CNA nih kan chim kho tuk lo. Cun Salai Sang Za Hmung asi i anih hi athih lio ah a ummi pa ABSDF KyawThin nih a ka chim ning ahcun a dam lo tuk cang i, nangmah nih rak umpi law , that lo bia a si ahcun KIA BN5th ah contact na kan tuah than te lai an ka ti i, anih cu keimah kakut cung te ah a thi e tiah KyawThin (ABSDF) panih cun a ka chim.Cun Salai Mawi Li Lian zong dam lo nak in akan liam tak ve.

Salai SuiKung zong dam lo nak in a kan liamtak ve. Salai Belha maihpi kuang nih a tlak hnaw i a kan liam tak. Chin ram kan phan hnu in CNA ralkap , keimah ka um lio a kan liam tak mi hna cu , kan unau khami Linlawh(A) le Patai ( Khaitai-Lailianpipa) an kan liam tak hi lungbin khua kian Tio pong ah India ralkap nih ankah that hna. Cucu India ram lei in asi tikah ral an ra lai ti hi kan ruat hrimhrim lo e tiah cu lio a commander pa tlei cia Pu Se Hu(Sese) nih a ka chim. A chimh duh nak cu kan i ralring deuh lo a ti nak asi.

Cun Tio khua timi Rikhoda le Camphia karlak khua ah Salai Bawikham nih a kan liamtak. Cu lio a commander pa cu Patrict SaVang(Pavang) asi. An commanderpa nih Salai Bawikham kha zu a va cawkter i ralkap zu adin pi hna , kan i zaa lo an ti i an va cawk ter rih, a voihnihnak hnu , Salai Bawikham a vun kir lei cu commanders le a ralkap cu zuu an rih cang , cu tikah Bawikham an kal ter mi kha an philh i Bawikham cu kawlralkap ah an ruat cang i anmah lila nih cun Chin ralkap CNA Bawikham cu an kah that ko.

Mah hnu hin CNA ka um ti lo. CNA in Kachin ram ka um lio hi ralka tu ngai ve ,ralkap cu i ralring a herh bik mi thihnak le nunnak rii ah cawlhcangh mi riantuan asi tikah le hruaitu nih order i pek in rian tuan asi tikah commander hi a bia pi tukhringhran. Cucaah atu lio CNA,CDF, CNDF Chin ralkap pawl an kan liam tak ning hi a tha te in CNA/CNF leaders pawl nih study awk ding hrimhrim ahau.

Atu lio cu raltuk peng asitikah thih nak a tam cuahmah lai. Cucaah fit taktak in umding le ralring taktak in cawlcangh a herh tuk. A relrem lo mi ahcun ralkhi hrail an that can hna a um ti tiang pawl khi commander nih tuaktan a herh ngaingai.Kan Chin miphun ralkap an thih kan ngei a chiat hi a chiat awk ding hrimhrim asi. Cucaah ralkap cu reithei deuh le teirial deuh hi a herh tukmi asi.

Kan ral hi thir in sermi an si lo. Kanmah miphun ralkap belte cu kan lungput cu thir nak in a hak deuh mi asi caah ,kan ral nak in teirial deuh kan hau , i ralring deuh kanhau, i sumnak dingah kan ral nak in a zeipoh i sum deuh le teirial deuh hi kan hau. Cu long ah kan nun a him deuh lai i, kan ral kan tei khawh hna lai. Crd: Zahung Mang

Be First to Comment

Leave a Reply

Your email address will not be published.