CNA, CDF Le CNDF Kan Ralkap Hna Nih Hakha In Falam Lei Ah A Kal Mi Ralhraang Pawl Bomb An Rak Puah Hna Nak Nehnang (Video+)

CNA, CDF le CNDF nih Rammi rungvengtu ralkap hna nih Hakha in falam lei ah a kal mi ralhraang pawl bomb an rak puah hnanak nehnang video tawi. Vodeo: CNO, May 10, 2022. Credit; The Hakha Post

Video zohnak Link>>><<<< https://www.facebook.com/thehakhapost/videos/819211452391653

Thawngdang Relchap>>>>><<<<< 1988 kum November thla i နိုင်ငံခြား ah kan rak kalnak kong! 1988 kum i Kawlram buai lio ah khan, ram chung ram leng i ralkap cozah a doh tu pawl cawlcanghnak kong le mah cu lio i aa tel mi hruaitu deuh pawl an hmanthlak le an konglam, hriamnam tlai hruaitu Brang Seng le Bo Mya te pawl kong tiang in an telh mi hna ralkap cozah propaganda cauk cu Khin Ngunt te pawl nih

‘Myanmar Naing Ngaan A Dwiin Hmah Tetsa Phoh Pasein Yuu Miia Hnenh Pi Pah Hmah Dayuu Kaan Tu Miia’ ti min putter in 1989 kum, October thla ah an rak chuah. A cahmai 303 a ti. Mah cu cauk chung ah cun Rangoon University student (All Burma Federation of Student Union) EC members pa pathum le nu pakhat – Mizoram Champhai camp ah ka rak kalpi mi hna nih cu lio i Kawl siangngakchia pawl cawlcanghnak ah a rak bawmtu hna le ruahnak a rak petu hna

Rangoon khua um U Ye Htun (1947 Burma Constitution a rak ṭial tu U Chan Htoon fapa upa bik) sin ah ca an rak kuat mi amah an tlaih lio ah an hmuh chih mi cakuat te zong maw nawn te khin an telh chih ve. An cakuat cu, Kawlca in Rangoon khua an i thawh in keimah (Salai Cung Bik Ling) nih Kalaymyo in India ram Champhai khua ka hei phanhpi hna nak kong, an harnak le an i ruah ning in thil a si lonak le phaisa an harnak kong deuh ṭial mi khi a rak si.

Mizoram i Kawl siangngakchia ka rak kalpi mi hna cu Champhai lei in India ram ah Kawl siangngakchia a phan hmasa bik mi an rak si, a hnu ah Kawlram ah an kiar dih ṭhan hna. Anmah hnu ah Mizzima News i co-founder Daw Thin Thin Aung (nai ah ralkap nih an tlaih ve. Khrihfa a si. A pa hi Kawl ralkap bawi hlun Jews kahpia a si. A chuahpi a ṭa hi 1988 lio ah khan ralkap captain a rak si cang.

Amah ruang ah Major tiang lawng a rank a kai kho i, tuan ah pensen a la) le Dr. pa tel in Kawl pa pali-nga an rak phan ve. 1989 kum chung ah Ralkap cozah duh lo ruang ah Mizoram lei in India ah Kawl a phan kho mi hi 30 in 50 kar vel tluk cu an rak si ve lai dah. A hnu ah Aizawl le New Delhi ah an um hna tiah ka theih, Champhai camp ka chuah taak hnu ah. By- David C B. Ling