CNA/CNF Caah US Um ZOA Hna Nih USD $22500 An Hlut

Thawngpang Tawi: US um Zotung Organization of America nih CNF/CNA caah USD $22500 an pek chanh tiah kan theih. Hi an pekchanh mi cu CNF Chairman Pu Zing Cung, CNF ramdang lei rianngeitu Pu Daniel Sakhong le USRC Chairman Pu Tial Hmung nih CNF/A aiawh in an cohlan tiah Chinland Club USA nih a tarlangh. Credit; The Chin Post

Relchap; Tlang chung hriamtlai phu hna he ral tuṭi ding in timhlamhnak ngeih mi Central Command Coordination Committee(C3C) cu a tlamtling, tiah NUG Ministry of Defense Minister U Naing Htoo Aung nih a chim. Central Command Coordination Committee(C3C) cu uknak a latu SAC hmual ngei deuh in doh a si khawh nakhnga 2021 in NUG kuttang mithu mi ralkap hna le tlang cung tlang cung hriamtlai phu hna nih dirh mi committee pakhat a si.

Atu dirhmun ah C3C cu tlangcung hriamtlai phu hna he ṭangṭi in raltuknak an tuah i, raltuk thiamhnak phunphun hmang in hlawhtlinnak tampi zong an hmuh, tiah NUG Ministry of Defense Minister U Naing Htoo Aung nih a chim. NUG Ministry of Defense cu tlang cung hriamtlai phu hna he lawng pehtlaihnak tuah loin Local Defense Force(PDF) hna zong he pehtlaihnak ṭha tein a tuah. PDF cu peng kip le khuakip ah dirh a si.

Asinain, pehtlaih a hau rih mi phu zeimawzat an um rih i, duhsah tein pehtlaihnak tuah zong kan i zuam cuahmah lio a si, tiah U Naing Htoo Aung nih a chim chap. Atu ah hin NUG Ministry of Defense kut tang ah ralkap sing 1 leng an um cang, tiah U Naing Htoo Aung nih Than Lwin Times ah chim. TCP

Kayin ramkulh, Myawaddy peng, Laykekaw ah KNLA le Cobra hriamtlai phufonh le SAC ralkap kahdonak a chuak i, SAC ralkap hna cu an zaam caah an hriamnam le an thilri pawl an zaamtak i, tualchung hriamtlai phufonh nih an lak, tiah Cobra hriamtlai phu nih cathanh an chuah.

Cobra hriamtlai phu hna nih security an laknak Laykekaw tlang ah SAC ralkap hna cu rilonh in luh an i tim i, nizan zanlei Sml 11:00 hrawng in zing Sml 3:30 tiang kahdohnak fak ngai a chuak. Cobra nih Kahdohnak ah SAC ralkap hriamnam le thilri an lak mi hna cu mipi sin ah an langhter cang i, nihin April 15 zanlei zong ah hriamnam dang an lak ṭhan, tiah theih a si.

Tualchung hriamtlai phufonh hna nih an lak khawh mi hriamnam hna cu 60 mm bomb kuan lung 18 (၆၀ မမ ဗုံးသီး ၁၈ လုံး), 81mm lung 1(၈၁ မမ ၁ လုံး), RPG lung 4(RPG ၄ လုံး), Puyan fun 3 (ပို့ယမ်း ၃ ထုပ်), 5.56 kuan 300 ( 5.56 ကျည် ၃၀၀ တောင့်), 7.62 Sniper kuan 100 (7.62 စနိုက်ပါကျည် ၁၀၀ တောင့်), Vawlei tang phum mi bomb lung 1( ခြေနင်းမိုင်း ၁ လုံး) le MA 1 kuan bawm 9 (MA 1 ကျည်အိမ် ၉) hna an si, tiah Cobra nih cathanh an chuah.