Press "Enter" to skip to content

CNA in Corporal Aung Lin Tin nih Ram le Miphun ca ah a Nunnak a Pek

CNA in Corporal Aung Lin Tin nih Ram le Miphun ca ah a Nunnak a Pek
———
SAC ralhrang he kahdohnak ah CNA ralkap in Corporal Aung Lin Tin nih ram le miphun ca ah a nunnak a pek. “Ram le miphun ca ah a nunnak a petu Corporal Aung Lin Tin upatnak kan pek i tantakmi chungkhar kan ngaihchiatpi hna,” tiah CNF nih ca an chuah. The Chin Journal

Thawngpang dang relchap : Thantlang peng, CDF Pasaltha nih a lungfah nak a tial mi rel ve, na celh hrim lai lo

Rai le Rak karlak ah khua kan sa i thaizing khi damten kan tho te hnga maw, a silo ah nihin hi damten ni ka tla hnga maw ti ruah in kan um liao a si I kan hmailei Nazi temkhat ah zeibantik bomb Thawng le meithal Thawng dah kan theih rih lai ti lawng ruah in kan hmailei a fiang bak ti lo mi, muipadap ah caan kan hman lio i “Nan dam maw?, Nan him maw?, Pathian nih him te’n in veng hna sehlaw!!” ti hmanh a hmang lo mi dawtu tampi kan ngeih hi ngaihchia ngai a si.

Hi khuacaan kan um ko buah kan dam le damlo hmanh theih a huam lo mi, kan him le him lo zong theih aa Tim lo mi hawi kawmh le dawtu (kan dawttuk a kan ti Lengmang tu) nih hin kan thih hnu tu ah khin biathlum thlum in an kan ttah te lai VA si kaw, kan thih hnu lawng ah pei kan sunglawi ko ne lai hi. Thih hnu lawng ah pei dawtu an tam te lai hi.

Mi dang ciao bang “A fimtuk mi, aa dawhtuk mi, a thatuk mi, ka hawi, ka kawi, a nau, ka u” tiah ka sining lo piin FEI BUK ah an ka dawtnak Kong chim pah in an ka fak lai I an ka ttah len lai nain kei nih le ka hei thei ti lai lo VA si kaw, kan dam liao ah hin I Daw ko hna hme sih!! Caan tlawmpal tete pek tel in I chawn Lengmang ko hna hme sih. Pathian nih kan veng ciao ko seh.

Note: Hi Cabia hi CDF pasaltha pakhat nih a pumpak social media cahmai in a tial mi asi. A pumpak himnak kan hnorsual sual lai kan phan ruang ah a hmanthlak le a min kan langhter lo.

Be First to Comment

Leave a Reply

Your email address will not be published.