Press "Enter" to skip to content

CNA Le CDF-Matupi Nih SAC Ralhrang An Kah Hna, Hliam Le Thi An Tam

Chin ramkulh Matupi hrambunh ralhrang khah-lah-yiah 304 sakhan cu Nov 25, chunhnu 1:30pm hrawngah CNA le CDF-Matupi nih an kah hna i ralhrang 2 an thi, a tlawm bik 5 hliam an tuar lai tiah CDF-Matupi nih Nov 26, tuni ah cathanh an chuah. CNA le CDF-Matupi hna cu hliamtuar le a thimi um loin hnu an tolh kho tiah an langhter chih.

Ralhrang khah-lah-yiah 304 hna nih hin Matupi-Paletwah lampi i a umkalmi mipi hna cu a a ruang loin an kham, an check hna pinah an tlaih hna i cheukhat an vuak hna caah atu bantukin kan kah hi a si tiah CDF-Matupi nih cun cathanh ah an tial. Crd; The Chin Post

Relchap; Mr. Walter Miller Clark hi May 13, 1884 ah Jefferson khua, Montana ah a chuak. A nu le pa cu James Ross Clark (1850-1927) le Augusta Miriam Evans (1858-1951) an si. A pa hi Pennsylvania ah a chuakmi a si. US Mail Service zungah rian a tuan, cun Montana ah cauk dawr kiltu (book-keeper) zong a tuan bal. A hnu ahcun Los Alamitos Sugar Company ah Vice President tiang a tuan, cu pinah Los Angeles Chamber of Commerce President zong a tuan fawn. Ohio ah a chuakmi Miriam he April 16, 1878 ah Deer Lodge, Montana ah an i um Fa pahnih, Ella (Mrs Henry Carlton Lee ti zongin auhmi) le Walter Miller Clark an ngeih hna.

Kum 1890 thokka hrawngah Los Angeles ah an i thial. Cu lioah Walter cu siangngakchia lawng a si rih. San Francisco ah lihninh fak ngai a rak um kum, 1906 ah University of California in degree a la i January 5, 1909 ah Virgenia Estelle McDowell he an i um. A fapa ngeihchun James Ross Clark (a pu min an lakmi) cu April 24, 1910 ah a chuak, hi lio ahhin Walter M. Clark cu Los Alamitos Sugar Company ah General Manager a si.

Ahnuah Scotland ah an i thial. Clark nih cun chungkhar nuamhnak (Family Pinic) kal a duh ngai. An nu zong cu a chimh tikah a lungtling ve. Cuticun an chungkhar in nuamhnak kal dingin timtuahnak an ngei. A hmun cu Us ah siseh an ti. Kha lioah $1000 a dih ding a si, a tam ngaingai ko. Kum zeimawzat chung tangka an i khon. A herh dingzat tangka an ngeih tikah US lei a kal dingmi tilawng nganpi ah tiket an va cawk. Mah tilawng pi cu an sertharmi a si, pe 945 a sau, minung 3000 a phur khomi a si.

Clark te chungkhar nih tiket an cawk tan hi a voikhatnak a chuah bak a si lai. April 10, 1912 ah a chuak ding a si. Mah tilawng pi cu a min ah Titanic ti a si. Film Director minthang James Cameron nih 1997 ah zukcawl (movie) a rak thlak i atu tiang a duai rih lomi Titanic tilawng tuanbia a si.

Clark le a chungkhar hna cu vawleicungah a ngan bikmi tilawng an sertharmi a voikhat khatnak a chuah tan ah i cit kho ve dingin tiket an cawk khawh caah le a voikhatnak chungkhar nuamhnak a kal ding an si caah i ngaihnak le lawmhnak in an khat. A ni le caan a nai deuhdeuh, an thintur a rang deuhdeuh. April 10 ah a kal ding an si cang.

Asinain an ruah lo tukmi thilthalo an cungah a tlung ai! Chungkhar nuamhnak an kal hlan nisarih duh, April 3 ah a fapa ngeihchun James Ross Clark cu uico nih a seh ai! Siizung ah an kalpi tikah Siibawi pa nih a sehtu uico hi uihrut a si caah ni 14 chung thlop lo ahcun a dam kho lai lo, ni 14 a tlin hlan cu khoi hmanh ah nan kal kho lo, tiah a ti hna.

Aize…an chunmang, an i ngaihnak le thathawhnak vialte an lo dih ai! Clark cu a taang aa cum i a tap colh. Maw Pathian kum zeimawzat chung chungkhar nuamhnak kal dingin timtuahnak kan ngei i tangka kan i khon, tiket zong tlamtling tein kan cawk dih cang, zeiruang ko ah hme a ni-caan a tlin lai thengmang ah ka fapa cu uihrut nih a seh hnga? tiah lungfak ngai in a vuihram.

A nupi tu nih cun a si khawh chungin a hnemh ve. Pathian nih kan caah a tha deuh in khua a khan zong a si kho ko dahkaw, tiah a ti. Clark nih cun hitluk uihrut nih ka fapa a sehmi le kan i ngaih tukmi chungkhar nuamhnak kan kal khawh lomi hi Pathian khuakhan cu a si hnga maw? tiah thinhung ngai in a leh.

Asinain…asinain, tilawng a chuah in ningai nak ah Scotland ramchung dihlak ah thawngpang chia a thang. Cucu Titanic tilawng pi kha vurtlang aa pah i ti chungah a pil, minung tlawnte lawng an chanh manh hna, a dang vialte cu an thi dih timi thawng a si. Cu thawng a theih tikah Clark cu a lung a hung fim ruangmang i Uico kha Bawipa fialmi a si, ti kha a lung a pem.

Bawipa kaa lawm tuk, kan caah na khuakhanmi theithiam loin ka vuihram le phunzainak vialte ka ngaithiam ko, tiah thla a cam. A fapa sinah a kal i nangmah hmangin Pathian nih kan chungkhar nunnak a kan khamh a ti i lawmhnak bia a hei chim. #The Chin Post

Be First to Comment

Leave a Reply

Your email address will not be published.