Press "Enter" to skip to content

CNA Nih Paletwa Ah Hmunkhuar Kan Duh Cang: Salai Htet Ni

Chinram thlanglei Paletwa ah CNA an phan cang timi thawngpang kong he pehtlai in Rawn Chin Post nih CNF Headquarter lei kan pehtlaih i, CNF biachim nawlngeitu Salai Htet Ni nih “Paletwa ram ah CNA um ding hi a taktak ti ahcun kahngol hnatlaknak kong ah Chin State Acozah he kan i chawnh lio ah siseh, Rampi Acozah he kan i chawnh lio zong ah siseh Paletwa ah hmunhma nan kan pek a hau tiah kan hal pengmi a si, nain nihin tiang ah an kan pe lo” tiah a chim.

“Cun Paletwa hi CNF nih Acozah he kahngol hnatlaknak kan tuah hlan ah kan rak um pengnak a si. Nihin caan ah AA buainak tete a hung chuak. Nain Acozah nih Paletwa ah hmunkhuarnak cu a kan pe duh hlei lo. AA zong nih nan um lo ah a tha an kan ti zong ah zeihmanh aa dan hleinak a um lo. Cucaah ralkap hriamtlai tling tu he Paletwa ah va tlawng in Ralkap cawlcanghnak kan tuah.

Acozah nih hmunkhuar khawhnak kan pe rih hmanh hlah sehlaw Paletwa ah CNA nih hmunkhuar ding cu kan i zuam peng lai. Cucaah atu hi Chin ralkap nih Paletwa ah kan tlungkal lengmang cang. Paletwa ah hmunkhuar ding hi CNA nih kan duh cang” tiah Rawn Chin Post ah a chim chap.

Rawn Chin Post
Weeklynewspaper
Kalay- kabaw

Be First to Comment

Leave a Reply

Your email address will not be published. Required fields are marked *