Press "Enter" to skip to content

CNF Chairman Pu Zing Cung Nih A Chimmi (Repost) Hi Vun Rel Ve Tuah, A Biapi Ngaingaimi A Si

CNF Chairman Pu Zing Cung nih a chimmi (Rpost)
————————————————–
1.Chin miphun nih kan dohmi ral hi Kawl miphun ruahnak a si. Kawl miphun a si lomi (Chin, Shan, Kachin etc..) hna kha Kawl miphun ah canter duhnak an ngeihmi ruahnak le Ralkap uknak hi Chin miphun nih kan dohmi ral a si.

2. Chin miphun cu zeitik hmanh ah Kawl miphun kan si lo i, Chinram ah Chin miphun lawng nih dah nawl a ngeih ko lo ahcun aho miphun hmanh nih nawl an ngeih ding a si lo.

3.Chin miphun kan thazaang hi khoika hmanh ah a um lo, UN zongah a um lo, US (America) zongah a um lo, khuazei ram hmanh ah a um lo. Kanmah Chinmi kut cung lawng ah a um. Kan Chin miphun nih luatnak kan duh, zalonnak kan duh a si ahcun “kan ram kan kut cung phakter” kha kan luat ni a si ko.

4.Chin miphun cu: Holh le ca, nunphung tlamtling tein a ngeimi miphun kan si. Vawleicung ah miphun phunkhat kan si ti hi fiang tein a lang. Cucaah cun Miphun phunkhat a simi hna nih kan miphun sinak kha tțha tein kan i ken i, kan miphun sinak kha kan nunter i, kan miphun sinak kha kan i zahpi lo i, hmai ah kan nawrpi ding kha a biapi tuk. Cu miphun sinak nih cun zeidah a langhter tiah cun, kha miphun kha hmailei ah zeipaoh kanmah tein khuakhan lairelnak le uknak nawl kan ngei lai timi zong kha fiang tein a langhter chih.

5. Chin miphun nih ral kan dohmi hi kan miphun le kan ram a lohtlau lo nakhnga le kan ram ah kan miphun nih duhdim tein khuasak tintuknak kan ngeih khawh i, kan Pathian zalong tein kan biak khawh nakhnga caah a si.

6.Panglong hnatlaknak bantukin kan Ram kan dirh i, kan Miphun nih cu ram ah nawl kan ngeih tik ah ramchung ral a dih lai i, daihnak le țhanchonak a ummi Ram kan dirh khawh lai. Cu bantuk Ram dirh ding ah Kawl miphun le ralkap nih an kan kham peng a si ahcun “Kanmah tein nawl kan ngeih khawhnak Ram kan dirh a herh”.

7.Miphun dawtnak cu Nuhrin nakin i chuahpi mi a si lo. A cawn in cawn a haumi a si. Nihin Chin Miphun hna zong nih Miphun dawtnak hi kan cawn hrimhrim a hau.

Ch:
– Tikhing Cakuat
– Bongva Mekazin.
– Youtube.
Khawmsuatu-Salai Thomas Lian.
Photo credit

Crd: Chin Post

Be First to Comment

Leave a Reply

Your email address will not be published. Required fields are marked *