Press "Enter" to skip to content

CNF Nih Hin Tutan Rampi I Thim nak Ah Tanh Khun mi Kan Nei Loh – Pu Lian Hmung Sakhong

Karen ralthuam a tlai mi pawlkomh in tutan rampi i thim nak ah Karen mipi pawl cu Karen party lawng vote pe dingah an chimh hna i tlangcung mi ralthuam a tlai mi tamdeuh cu an miphun party cu thape dingah mipi an forh cio.

Cu lio ah cum tu ni tiang Chin ralkap CNF nih tutan rampi ithim nak ah zei party dahnan tanh, tha an pek timi an langter lo cu Chin mipi lei nih bia hal nak an nei tam tuk i an tanpi mi party chim dingah an duh tuk. Cu ruangah CNF vice president Pu Lian Hmung Sakhong nih cun CNF dirhmun cu mipi sin ah chimphuan nak an nei.

Pu Lian Hmung Sakhong nih cun “Kannih cu kan miphun zalennak hrang le kan ram luatnak hrang ah Democracy Federal le self determination aupitu kan si. Mah hi kan aupimi cu kanmah Chin miphun lawng si loin Myanmar ram chungi a um mi miphun tamdeuh i duhmi a si. Politics Party tamdeuh zong nih an duh i an aupimi a si.

Kan Pa Le Hohmanh Nih An Chim Ngam Lomi Kan Pa Dr. Lian Hmung Sakhong Nih Democracry Kong Ralṭha Taktak In A Chim Cang Ko Hih Uar A Um Taktak – Chin

CNF nih cun miphun le ram hrangah riantuanmi a hopoh pumpak in siseh party zawngin siseh ram le miphun hrang ah kan tuanti lai tiah ca kan chiah cang. Asinain, zei party poh rampi ithim nak dingah tanhbik le tanhmi kan nei loh. Hahdam tein kan um lai tiah ca kan rak chuah cang mi zong nan rak hmuh ko lai.

Cun,CNF siseh pumpak in siseh hlanpi i kan tonmi kan biachim mi pawl cu tutan rampi ithim nak hrang cawlcangh nak ah hmang hlah uh tiah zangfah ka nawl hna,” tiah a ti. Dr.Lian Hmung Sakhong Bantuk Chin Pasal Tha Kan Va Herh Ve A Biachim Hi Ngeihcim Lo Bak A Si — Chin Tlangau

Tulio cu CNF i konglam pawl phorhchuahmi a tam tuk i rampi ithim nak ding he pehpar in an tanh mi le an dirhmi ah a ruattu tampi an um. Curuangah CNF nih cun mipi chimfiannak an tuah i tutan rampi ithim nak ah tanhmi an neih lo nak kong le, an biathin pawl cu, party cawlcangh nak ah hmang tangkai lo dingin mipi sin ah an cah hna. Credit : VAPUAL AUAW

Be First to Comment

Leave a Reply

Your email address will not be published. Required fields are marked *