Press "Enter" to skip to content

CNF tuanvo:Ngei tu hna nih’Khua khuabawi le mino hna camp an auh riangmang i.

Chin ram ah pennak zuam cawhnak a san lio ah CNF tuanvo ngeitu hna nih khuate khuabawi le mino hna cu Camp ah auh riang mang in CNLD candidate tanhnak caah bia an chim. Cun CNLD candidate Chin Chin Pekthang auh in siseh, Pu Solomon nih kap tanh in rian a ruan ti thawng kan theih. Mah kong he pehtlai in NLD nih kan duh lo.

Atu lio kan ram politics ah kap tanh ngeih ahcun CNF nih a kalpimi national politics hi NLD a tanhtu Chin miphun nih zumh awk tlak lomi riantuannak a si tiah kan ruah.
Catial tu:NLD Hakha

Thawngpang dang asi a tang hi:

Chinmi hi kan pum fatuk i ______ional ah kan chuih kho te hnga maw tiah voi tampi biahalnak a chuakmi a phi cu Denmark i ralzam dirhmun in a phanmi Phun Mang nih a vun kan pek cang.

Esbjerg Football Club (Efb) hi Denmark ah min a ngei i a ngan ngaimi a si. Mah ah cun Phun Mang hi tu kum January ah khan 2022 tthaal tiang um ding min an rak thut.

Anih hi alaikal (midfielder) a si i kum khat deng an sin a um chung ah a cawlcangh le a tthanchoning kha an lung a tling tuk. An club i kum 17 tang ah a chuihmi a si le kum 15 a tlin ni lawmhpi nak ah 2023 a dih tiang um ding in min an thut chap (contract an sauh).

Esbjerg Sport College ah a um i an saya Lars Vind minthut an chapnak kong cu tihin a chim:

“Phun Mang hi Efb a phanh hnu in an thangcho taktak. A thiamnak le a lungduhnak hi kan hmuh tikah atu nakin a thangcho deuh rih lai tiah kan ruah. Cucaah saudeuh in kan sin a um ding cu ruah lo awk a tha lomi a si,” a ti.

Phun Mang zong nih Efb i um rih hi a dikmi a si ko lai tiah a ruah ve. Bawlung a chuih pah in atu hi tang kua a kai lio a si.EfB hi atu Denmark i League nganbik Superligaen ah 2019/20 tiang an i tel ve i tu kum te hi an tla chung. Asinain kai than dawh an si.
Teirial catial tu

Be First to Comment

Leave a Reply

Your email address will not be published. Required fields are marked *