Press "Enter" to skip to content

CNLD Cu A Can Cu Rihlo A Titu Pawl Kawl Miphun Thazang A Petu Nan Si : Pu No Than Kap

CNLD Chairman pakhat Pu No Than Kap cu bia tampi hal a si i an biahal mi a lehmi hna lak i a biapi mi bia cheukhat hna tarlangh a si, biahal nak cu langhter loin a lehnak hna lawng langhter a si. Pu No Than Kap nih “Central ah NLD nih teinak hmu in Chinram ah CNLD nih teinak hmu ko seh law CPP chan liao bantuk in pakpa lawng kan si sual hngamaw an timi cu a hman lo. Pine i pahnih lawng an zoh i CPP nih Central ah Pu Khuang Ling , Pu Con Keng le Pu Zung Hlei Thang hmangin thil tampi an ttuanmi a um. CPP a rak cak ruangah tu i Surbung Airport zong hi a um khawhnak a si. a rak suahnak a si. Bia khiah cia micu tu NLD cozah nih a van pehzulh mi a si i lomh a um ngai ngai.

“A sinan,CPP chan liao ah biatak tein president siseh hlutdaw ah siseh Surbung kongkau hi rak chimpi hna hlah selaw Surbung Airport cu a muj kan hmuh khawh hmanh ka zum lo. Lungpi i cinthlak siangin zong CPP kutchuak mi ah telhchih khawh a si. Culawng silo in Pu Khuang Li amah pakhat lawng i chimchuah mi tampi a um. Zongte khua ah taih-ne sizung an rak ngah i tu ah chuakthuan siangin tiang an ngah phah. Cu lawng lo in Pu Con Kheng zongnih tampi chimchuah mi a rak nei.

“Amyota hlutdaw le pituh hlutdaw ah CNLD nih thim a si ahcun Pu Nhgepi le Pu Hrang Kian Lo an si lai. An pahnih in pithongsuh hlutdaw an kal a si ahcun a tlangpi in riattuan ding lianpi pahnih an nei. Cu cu 2008 phunghram pi remhtu lakah an i tel ve lai i president thimnak zongah an i tel ve lai. Cupin ah mipi tthancho nak hrang ttuantu ah an i tel kho. Hi hrangah CNLD nih Chin ramkulh ah palai 21 nih kan i zuam i Sagaing le Magwe in 7,a dihlak 28 kan nei. Cu vialte cu mipi nih thimtlin mi pithongsuh hlutdaw ah bia tampi an chim lai.

“Khatlei ah Chin NLD pawl nih cuban tuk cu an chim kho ve lo maw tiah biahal nak a um. An chimh khawh ve,an chimkhawh ve ko nan, NLD central i duhning in a kal a hau, Cutik ah Chin Party CNLD hmuar a fak lo tinak a si. 2008 phung hrampi remhtu ding minung 45 an thimmi zongah NLD in MP 18 an i tel nan, Chin NLD MP pakhat hmanh an i tel kho lo. CNLD kan tlin a si ahcun kan i tel kho hrim hrim lai. Myone party ZCD hmanh in 4 lai bak an i tel kho. Party dang kuttang i rianttuan si loin mahle party a si tikah covo a sang ,covo a dangten a um.

“Chin mipi hrangah CNLD a thabik kan tinak chan cu USDP le NLD nih Chin miphun hrang i an tumtahmi nakin CNLD nih Chin miphun hrang a tumtahmi a tthat deuh tuk ruangah a si. NLD le USDP zong kawl miphun hrangah an tha,cuban tukin Chin party zong Chin miphun hrangah a tha khun,a tha hleice kan tinak a si. CNLD nih teinak co sehlaw hlan liao bantuk in kan neihmi pupa vulei ram cu tlangcung mi party dang he kan ttang tti lai i kan tuahkhawh hrim lai ti ka zumh.

“Daw Aung San Suh Kyi hi um hlah sehlaw Chin mipi cheukhat in NLD an tan ka zum lo. Zeica tiah Suh Kyi cu za ah za in pathian tlukah an ruat i an zumh. A mah me kan pe fawn midang pi an chuak fawn titu zong an um. Suh Kyi cu a hme ngan thlu loin an zumh dih. CNLD can a cu rihlo titu pawl cu Kawl nih hong kan uk rih ko hna seh kawl pawl hi thazang pe rih ko hna u sih ti tu a si.

“Chin party ahcun eihmuar nak hrim a um lai lo tiah mipi kan kamh ngam hna. Chin party CNLD cu Chin mipi hrambunh mi a si ruangah zeitik hmanah a ziam kho lai lo Kawl bawi pawl le Naypidaw ai bochan mi kan si lo Pathian ai bochan mi kan si.

Be First to Comment

Leave a Reply

Your email address will not be published. Required fields are marked *