Press "Enter" to skip to content

‘CNLD Cu Pathian Lawng Kan Bochan, NLD Cu Kawl Pawl I Company Pakhat A Si’: Cheery Zahau (+Video)

Dr.Sasa nih Cheery Zahau he debate tuah a duh lo ruangah The Chinland Post hna nih pakhat tete in hmaitonh baihalnak an ngei. Cheery Zahau cu bia tampi an hal i felfai te in a leh hna. An biahalnak cu a dih lak in kan ttial dih lai lo. A tang bik ah Video in kan rak chiah deuh lai. An biahal mi pakhat cu ‘NLD zong Chinmi an si, NLD candidate-tu pawl zong Chinmi an si tthiam ko.

CNLD pawl zong Chinmi an si, cu caah NLD Chin le CNLD Chin an i lawh lo nak zeidah a si tiah an hal i, Cheery Zahau nih Campany pakhat bantuk in tahchunhnak a lak i, a chim. A chim mi cu Company pakhat i rianttuan tu pawl cu miphun dang dang an um kho tiah a ti.

“Thimnak ah Japan company pawl zong an lu pawl cu Japan mi lawngte an si, Japan pawl nih an control dih. An rianttuantu pawl cu Indonesia mi zong an si kho, Myanmar mi zong an si kho. Cu bantuk in NLD Chin pawl cu Kawl pawl i rianṭuantu men an si, NLD lu pawl kan zoh tikah Kawl pawl lawngte an si. CNLD ih lu pawl cu Chinmi an si, a rianṭuantu pawl zong Chinmi an si.

Chin company a si, cucu kan i lawh lo nak cu a si. kannih cu minung kan bochan lo, hi intervew-nak ding caah ni 2 sung thla ka rak cam ve. Bia kaa khat ruangah a palh kho mi ka si i, cu caah voi tampi thla ka rak cam. Kan lu cung ah Pathian lawng a um, minung nih nawl pek bang in colcang mi kan si lo. Pathian nawl pek nak in colcang mi kan si tiah a chim.

Be First to Comment

Leave a Reply

Your email address will not be published. Required fields are marked *