Press "Enter" to skip to content

CNLD Lu Bik Pu No Than Kap Nih Mipi Sin Ah Mah Ti Hin Bia A Rak Chim Rak Ngai Ve Hrimhrim (+Video)

Chin Party nih an i zoh thla bik mi le kan i bochan bik mi, Chin miphun nih Vote bia tak tein kan kawl mi CNLD Party chungin Chairman Pu No Than Kap Nih Mipi Sin ah Lunhlawmhnak A Chim Video Credit: CNLD Falam

A tanglei ah a Video kan van thil chih i a chim mi hi tlamtling tein ngieh khawh cio rak i zuam hna usih.

Thawngpang dang relchap >>>>>

Donald Trump Nih Time (2) Tiang Nawlngeih Nak A Tleih Lai Tiah, Pompeo Nih Ralttha Takin A Phuan

Tutan US i thimnak cu nidang bantuk si loin buaibai nak thil a chuak taktak. Biden le Kamala Harris nih election ah teinak kan co tiin hnangam tak in an um i social media kip zongah Biden tenih teinak an co nak cu an tarlangh thluahmah. Sinan kan Pu Trump nihcun teinak ka co tiah, White House chuahtak cu ai tim lo hrim hrim.

Secretary of State Mike Pompeo zongnih election neih khawh bak i Vote relnak kongah thil hmanlo mi a um ticu a chimlangh ve i, Democrat presidential canditate Biden nihcun awlsam tukin White House a luah lai lo i Trump nih a time 2 nak tiang nawlngeih nak a tleih rih lai tiah ralttha takin an phuan ve.

Cacawn nihnih ni ahkhan State department’s headquarters i biatawi chimnak a neih liao ah khan, Official pawl cu Joe Biden nawlngeih nak hi an lung a tling maw? tiah reporter pawl biahal nak cu hiti hin a leh hna. “A time 2 nak tiang Trump nih nawlngeih nak cu a co lai tiah”, nihbu tein a leh hna.

Hini zanlei tthiam ah FOX News special report ah Bret Baier nihcun Pompoe biachim micu ai biatak hngamaw capo i a chimmi dah a si hnga tiah a hal tthan i a bia ningten a leh tthan hna Trump nihhin a time 2 nak tiang nawlngeih nak hi a tleih lai tiah a chim tthan, cun American mipi nihhin zeitin dah biakhiah nak an ngeih timi le an vote thlak ning thilhman taktak cu a rauh hlan ah a lang lai tiah a chim.

A liamcia zarhteni liao i Biden nih teinak a co timi News kip nih a phuan micu Trump nihcun a pom kho lo i, Centre for presidential Transition lei i khuakhan ning ai thlen tthan ding i nawlnak zong an cukha duh lo. Hi liao ah Biden lei nihcun Genaral Services Administration cu nawlngeih nak i pe chan colh dingin cozah cu phungning ten rian ttuan dingin an nawr ve.

Pompeo sinah reporter nih biahal nak an tuah i, Donald Trump le a mah ttanhtu pawl nih vote thlak nak kongah thil hmanlo mi a um tiah an timi cu na pompi maw? tiah an biahal nak cu ka pompi tiah a leh hna sinan, direct in thildang cu zeihmanh a chim duh lo. ” Vote hmanmi lawng kan rel ding a si phungning lo i vote thlakmi cu santleih nak a um lo, Trump nih teinak a co hrim hrim lai a ti.

Be First to Comment

Leave a Reply

Your email address will not be published. Required fields are marked *