Press "Enter" to skip to content

CNLD Party Lutlai Salai Duh Hu Thang cu nihin ah SAC Ralhrang nih Luatnak An Pek Ve Cang E

SAC ralhrang nih Hakha ah an rak tlaih mi CNLD Party lutlai a si mi Salai Duh Hu Thang cu nihin ah SAC ralhrang nih luatnak an pek ve cang tiah kan theih cu kan rak i lawm tuk cio.

Salai Duh Hu Thang cu April 9, 2021 ah Thantlang in Hakha lei a kalpah Hakha khualuh lai Ralkap le palek nih hngah mi check-gate ah thaih a tong i ralkap sakhan ah kal pi in an rak hrem hnu ah Hakha Thonginn ah caansau pi an hren mi asi.

Salai Duh Hu Thang cu Kum 31 mino a si i International University level in Master Degree pahnih a la mi le Chimmi nuhrin covo kong aupi nak phu zong ah biatak chuah in a rak cawlcang mi Chin mino pakhat a si. Kan hnu an rak tlaih lio ah a hawikom le a miphun hawi Chin mi dihlak kan lung a rak faak cio. SAC ralhrang nih an hrem pah ti mi thawngpang kan rak theih lio hrim ahcun kan lungfah kan rak celh lo. A si nain nihin ah luatnak an pek cu kan lung aa lawm tuk cio. Pathian nih damnak tlamtling le lam hruai hram seh.

ASEAN meeting pi ah Min Aung Hliang kainak nawl an pek lo hnu in a lau tuk cang caah a hmai phiahnak le ASEAN lemnak ah tiah nizaan le nihin ah thongthlak mi mino tampi a thlah hna. A si nain tulio Min Aung Hliang cawlcanghnak le thongtla a chuah mi hna hi zumh sual lo ding a si lai, a lungput aa thlen bia a si lo tiah UN palai nih ralrin peknak bia zong a chim colh ve cang.Laikokekjournal

Be First to Comment

Leave a Reply

Your email address will not be published.