Press "Enter" to skip to content

CNLD Thantlang Pyituh ah Salai Van Bawi Lian Nih A Teitu Pu C. Za Cung A Vai Fuh I

CNLD Thantlang Pyituh ah Salai Van Bawi Lian Nih A Teitu Pu C. Za Cung A Lawmhpi. Pu Van Bawi Lian (CNLD party Pyituh Hluttaw Candidate )cu NLD party zungah a leng i a teitu Pu C Za Cung sin ah lawmh pi nak bia a chim. Chin Broadcasting Network

Thawngpang dang relchap >>>>>

Israel President Le PM I Bia An Chuah Pimi Ruang Ah Trump Mipi Pawl An Lung A Awi Kho Bak Loh

US President thar ding buainak ah ram cheukhat cu biaholh zeihmanh chuah lo in, an um sawhsawh rih nain, Israel President Reuven Rivlin le PM Benjamin Netanyahu nih cun manhla ngai in bia an rak chuah ve i, Israel mipi tamtuk pin ah Trump dirpitu le leitlun zumtu tamsawn cu Israel President Reuven Rivlin le PM Benjamin Netanyahu cung ah an lung awi lo tuk.

Israel president Reuven Rivlin le PM Benjamin Netanyahu nih cun US i thimnak felfai taktak um rih lomi ah rianrang tak in Biden lunglomh pi nak kong an rak chim colh i,Israel he tha tak in rian an tuanti nak kong an au pi.Cupin ah Israel hrang theitawkin cawlcangh ,Israel humhim zungzaltu, Jerusalem khuapi cu Israel khawpi ah phuangtu US president Donald Trump cu lunglomh nak bia a chim colh ve.

Israel PM Benjamin Netanyahu nih cun “Joe Biden le Kamala Harrris ( vice )! nan pahnih in kan in lomhpi tuk hna. Pumpak in hawikom tha kan si nak kum 40 renglo a si cang i, Israel hrang ah mitha na si timi ka theifian. Nan pahnih in US le Israel karlak cak chinchin ding in riantuan ti ka duh tiah a ti.

Israel PM Benjamin Netanyahu nih cun Biden le Harris a lunglomh pi hnuah US president tuan cuahmah mi Donald Trump cu lunglomh nak bia a chimh chih i,President nih a thlah tiah mi tamdeuh nih cun an ruahpiak. Cu bantuk ruangah Israel mipi ,Trump mipi le vawlei cung zumtu cheukhat an lung awi phah lo nak cu a si.

Israel PM Benjamin Netanyahu nih cun “Trump! Israel na hawikom thatzia le pumpak in hawikom tha na sinak, Jerusasem le Golan theihpinak na tuah ruangah, Iran lakin Israel na dirpi zungzal ruangah,Israel le US karlak hnget tak in na tuahmi pawl ruangah kan lungai lawm tuk e” tiah a ti.

Israel President Reuven Rivlin nih cun “US president 46-nak hrang thim tlinhmi Biden cu Israel mipi rual nih thluachuak kan pek. Na hlawhtlin nak caah duhsak nak kan hlan i, Vice president Harris he kan in lomhpi tuk. Israel he hawikom tha na si cia i Israel ram he i naih ngai in hruaitu na si cang. Ram pahnih kan karlak cu a hngetkhoh tuk cang i, hmailei caah a thatuk ,” tiah a ti.

Cupin ahPresident Reuven Rivlin nih cun kum 4 chung Israel hrang US president Donald Trump i a cawlcangh nak cu, lunglomh nak bia a chim chih i, Trump ruangah US le Israel pehtlaih nak a that thluahmah phah nak ding kong a chim. Vawlei cung ram hruaitu lak in, UK PM le Philippines President zong nih Biden lunglomh pi nak bia an chuah veve cang. ( Times Of Israel )

Be First to Comment

Leave a Reply

Your email address will not be published. Required fields are marked *