Press "Enter" to skip to content

Covid-19 Dam Lo Mi Putar Pa Biaholh Ruang Ah Nurse Nu Nih Palik Sin Ah Buainak A Chuah Pi

Dam lo ah cun dam lo bantuk tein umding si ko. zohkhenh tu sibawi le nurse pawl hnahnawh pek lo hi a tha bik mi a si. Malaysia, Melaka Hospital ah putar kum 60 mi cu an tuamhlawm. Covid-19 i a dam lo mi a si i Intensive Care Unit (ICU) chung ah an chiah. 10 October zanlei 5.45pm ah a nupi nih a van phone i long-speaker on bu in an i chawn.

ICU room chung ah nurse kum 29 mi lawng a um i an holh mi pawl cu a rak theih dih. Nurse nih cun a thisen test ding a lak lio ah phone call cu a lak, a nupi cu nupa-sinak konglam pawl a chawnh ruang ah nurse zong a khuaruah a har dih.

Phone chung i a van chawntu nih cun a dam that le that lo a hal kona in biadang pi a chawnh thiamthiam. Nures nih cun a mak a ti tuk i ICU room chung ah anmah pahnih long an um fawn tik ah ai nuam bak loh.

Phone call a i chawnh dih hnu ah cun, a dam lo mi putar nih cun nurse sin ah a zunzun nak pipe cu a zoh i a thar thlenpiak ding in a fial. Nupa-sinak ceihpi pah phun in a chawnh ruang ah Nurse nih cun a thlenpiak duh loh i nangmah tein i thleng ko tiin a chuahtak diam.

Siizung ṭuanvo neitu sin ah thil a cang mi pawl cu a chimh hna i, Melaka Tengah Police Station ah buainak chiahpi a si.Palik le siizung riantuan tu pawl tanrual nak in, thilsining pawl cu an dothlat cuahmah lio a si. (#An buainak cu nupa-sinak biaholh in nurse a chawnh ruang ah a si bik) Credit : Meifar

Be First to Comment

Leave a Reply

Your email address will not be published. Required fields are marked *