Press "Enter" to skip to content

Covid-19 sii A Chuak Cang Caah Mipi Nih Kan I Ralrin Ding A Herhmi

Covid-19 sii a chuak cang caah ralrin a herhmi
Kumpi kumkhat hnu ah COVID 19 sii cu U.S ah a voikhatnak COVID 19 sii cu an chuah cang. Atu i an chuahmi hi Pfizer/BioNTech timi sii a si i duhsah tein tampi chuh an timh lio a si. Avoikhatnak ah 2.9 millions an chuah lai caah a tingco hmasa ding cu ngandamnak lei riantuan tu ngandamnak caah thinphang a si mi kha pek hma an si lai.

Zapi sin ah a phak khawhnak cu zei maw can zong a rau kho. Cu caah hi karlak ah hin hlenhmangmi (scammer) pawl tampi an rak chuak ve lai i COVID 19 sii kong he pehtlai in nan phone messasge a si loah nan email ah tampi cakuat le phone chawnh nan tong kho.

Hi pawl nih an i timhmi cu nanmah pumpak konglam, bank card number ti bantuk le nan password tibantuk kha an in hal lai. A tu zok zok nan kan pek lo ahcun nan sung lai ti bantuk hlennak in an ti lai caah tha tein kan i ralrin a hau.

A hleice in US ah a ummi nih kan i ralrin ngai ngai a hau. Cun Kawlram lei zong ah a um kho. COVID 19 sii a si lomi kha COVID 19 sii a si ti bantuk in online ah zuarnak te pawl an tuah khawh caah a si tak le si tak lo kha acozah thawngpang website a si lo le thil a thei deuhmi sin ah hal hmasa hna usih.

A tu i COVID-19 sii hi minung pakhat nih voihnih cio hman a hauh caah US chung a ummi lawng tinco ding hmanh ah tam ngai chuah a hau dawh in a um cu caah hlennak chung in kan luat khawhnak hnga online thilzuarnak asilole phone chawnnak ti bantuk in an in pekmi a um ahcun biachahnak na tuah hlan ah na siibawi te sinah maw a silole thil a theimi pakhat sinah hlathlainak tuah hmasa law a him bik.

Crd: salai Lian Thawng Hnin

Be First to Comment

Leave a Reply

Your email address will not be published. Required fields are marked *