Press "Enter" to skip to content

Covid-19 vaccine: Allergy a Ngeimi Sinah Ralrin Peknak

Covid-19 vaccine: Allergy a Ngeimi Sinah Ralrin Peknak
============================================
Allergy a ngeimi nih cun Pfizer/BioNTech vaccine hi an i chunh lo ah a tha, tiin regulators nih ralrin an pek hna. Vaccine an ronhmi NHS riantuantu 2 cu Tuesday ah khan an takpum ah allergic a chuak. I tehlomi sii, tirawl, asiloah vaccine a ngeimi paoh nih cun i chunh lo ah a tha, tiah Medicines and Healthcare products Regulatory Agency nih an chim. Vaccine an i chunh tlawmpal lawng a rauh ah minung 2 hna an takpum nih a caak (allergic) colh i, an allergic cu an thloppiak colh hna i, a tu cu an i ning cang, tiah theih a si.

Hi hna 2 hi anaphylactoid ai tehlo mi an si i, hihi cu anaphylaxis nakin cun a ziaum deuh ngai mi a si. An tak a vun thak, thawchuah an i harh, cun a caan ah cun an thi hna a tum phah.
Hi NHS riantuantu 2 hi i tehlo mi ai ngeih zungzal mi an si veve i, ruahpak lo i thawdawp har bomhnak dingah an hmanmi pengte hi ai ken zungzal mi an si. An 2 tein an dam a rang ngai ko, tiah England i NHS medical director Prof. Stephen Powis nih a chim. “Vaccine thar paoh ah hin cun hi bantuk hi a um tawn i, i tehlo a ngeimi minung 2 nih an caak cang caah, anmah bantuk in thil i tehlo a ngeimi paoh nih cun hi sii hi an i ronh rih lo ah a tha, tiah MHRA zong nih ralrinpeknak a tuah,” tiin Powis nih a chim.

“Minung 2 nih an caak cang caah, ralrin an kan peng ningin karhlan lawnglawng hi a hmanmi lam a si,” tiin MHRA lubik Dr. June Raine nih a chim. Hi bantuk taitai i vaccine i tehlo hi cu a umtuk theng lo, asinain kum fatin chunhmi cumpi vaccine zong i tehlo a um ve pah tawn ko, tiin a chim. Minung 20,000 lenglo vaccine in an hneksak lio ah hin hi bantukin i tehlo hi a um hraw lo. Cu vialte minung lakah cun thil i tehlo a ngei mi an i tel lo le si theu lai.

UK i vaccine chunhnak hmasabik an tuahmi ni ah minung thong tamialte an chunh hna. “Sii ai tehlo mi minung 2 an um, ti kan theih zau mi le, si tehlo a hmangmi nih vaccine i chunh lo dingin Regulator pawl zong nih ralrinpeknak an tuah colh mi hi zoh tikah, an system zeitluk in dah a that, ti theih khawh a si,” tiin Imperial College London i immunology lei thiamsang Prof. Peter Openshaw nih a chim. GP surgery tuah dingin ready a si cang Hmai zarh in cun GP sergeries tiang tuah khawh dingin NHS nih a program hi thanchoter a timh cang. A hmasabik ah GP surgeries 200 sinah vaccine pawl cu an hei kuat hmasa lai i, Tuesday hrawngin cun GP zong nih an hman an thok khawh lai an zumh. Kum 80 cunglei minung lawng an auh hmasa rih hna lai.

GP 200 nih vaccine an cohlan hnu lawngah NHS program nih GP 1,000 lenglo sin tiangin vaccine an hei kuat te hna lai – local area te ah a ummi le a hlei in timhtuahmi hmunhma ai ngeihmi an si laiA sullam cu, cuhlan ah an pal bal lo mi GP center lei ah mizaw tam u hi sawm an si te lai, tinak a si. Cu bantuk timhlamhnak cu a tangmi UK pumpi ah an tuah lio pi a si. “Kan GP pawl riantuan dingah ready an si cang hna,” tiin the British Medical Asscociation i GP hruaitu Dr Richard Vautrey nih a chim.

“Vaccine kuatnak kongah hmuhtonmi thatuk in kan i ngeih ko. Cucaah zarh kar khat chungah minung million tampi sinah kan kuat khawh lai. Vaccine phawtnak le zeitluk khulrangin dah vaccine kan i ken khawh cio lai, timi cungah hi rian hi ai hngat mi a si,” tiin Dr. Vautrey nih a chim. Tar zohkhenhnak hmunhma, asiloah mizaw an chiahnak inn ah hi vaccine hi kalpi khawh a si rih lo, zeicahtiah, vaccine chiahnak le phawtnak kongah phung biataktein an rengh caah a si. Hman hlan ah a kik taktakmi chungah ni tlawm pal chung chiah ta a hau. Cucaah, surgeries a hung panh kho mi mizaw pawl lawng hi vaccine a co hmansa ding an si. Vaccine hi zeituk tuan ah dah kan vahpi khawh lai, timi kongah NHS nih biafiang theih khawh zau an i ruahchan.

Sizung network hmangin vaccine pawlhi GP sinah kuat an si lai. Hi sizung pawl nih hin special freezers ah vaccine pawl hi an chiah hna. GP pawl nih cun vaccine cu ni 3 le cheu chungah an hman hna lai i, GP pakhat cio nih a hmasabik an tinco ding mi vaccine hi 975 cio a si te lai.Dironh thok a si ve cang Tuesday ah khan mizaw a thong in sizung ah vaccine chunh an si cang – cu hna lakah cun kum 80 cung minung le NHS riantuantu hna le tar zohkhenhnak i riantuantu hna an i tel.

UK pumpi i sizung ngan 70 nih nih vaccine 800,000 lenglo an tinco cang. Asinain million 1 hrawng hi cu hmaizarh in khin Belgium in kuat an si te lai, tiah theih a si. Tukum dih hrawng tal ah hin cun million 5 hrawng tal hi cu cozah nih kuat khawh lai an i ruah – mizaw pakhat hi tlamtlingtein Corona in a him khawhnak dingah cun vaccine 2 duahmah in chunh hau an si caah, cucu minung 2.5 million daih hrawng a si lai, tinak a si.

“Hi vaccine program nih hin kan zapi te i kan ral a si mi Coronavirus dironh kan thok khawh ve cangnak tehte a langhtertu a si” tiin Health Secretary Matt Hancock nih a chim. Hi vaccine tinco nak dingin sok len a hau lai lo. Tinco dingin ai tlak mi hna cu NHS nih pehtlaihnak a tuah te ko hna lai, tiin a chim. “Zaangfahnak tein nan ram caah hmai nawr ko sawh u” tiin Hancock nih NHS thazaang a pek hna. Vaccine chunh hi aanaa (compulsory) a si lem lo. “Chuahnak lam kan hmuh cang ko bu zongah hin, kan lamtluan a sau ko rih, ti hi vun thei cio dingin kan duhpiak hna. Essex, London le Kent ah virus a karhmi nih kan lungre a kan theih ngai ko rih,” tiin ralrin a pek ko rih hna. “Hi sii an ka ronhmi hi ka birthday laksawng tuante ah an ka pek bantuk ah kai ruah” tiin hmai zarh i kum 91 a si a tling dingmi Margaret Keenan nih a chim. Chelsea Bawi

Be First to Comment

Leave a Reply

Your email address will not be published. Required fields are marked *