Press "Enter" to skip to content

Covid19 Pehpar: India Factory Pakhat Nih Minute 1 Ah Sichunhnak(Syringes) 6000 An Siam

Rajiv Nath, India ram pumpi i Sichunhnak(Syringes) siamnak lakah angan bik lutlai a si mi, nih a ti mi cu ram 40 tluk nih hin hi sichunhnak siam dingin nawlnak(requests) a um ko nain ka cohlang hna lo tiah a chim.

Covid19 he pehpar in hi Mr Nath’s Hindustan Syringes & Medical Devices (HMD) sichunhnak siamnak factory pi cu a ram kip nih fuhpanh cio a si tiah theih a si i cu i a lu bik cu cunglei kan rak langhter bang khan Rajiv Nath hi a si.

Mr Nath nih a chim ning ahcun nikhat ah sichunhnak hi 4 million tluk kan siam khawh, nain cu 4 million nih cun a kan zaat rih hlei lo i vawlei cung um mi ram kip caah ah hin 10 billion sichunhnak tluk cu kan herh rih cu hmanhah vawlei cung um mi minung 100% ah 60% lawng a kan deih rih hnga tiah a chim.

A peh tthan rih mi cu WHO(World Health Organization) hna le cozah hna nih hin hi a siamnak he pehtlai in hma rak kan sawn piak hna seh law ti hi kan saduhthah cu a si tiah a chim chap.

Credit: BBC

RelChap: Hakha Mino Uar Nan Um Tuk Mirang Nih ” Unity Is Strength” An Ti

Tu zaan, tuan deuh te ah ralkap uk duhlonak langhter nak cu phayawngdan(candle) van nak in caan hman a si. Cu a dih cun mino pa 5 hna cu an lawi pah ah palek le ralkap nih an tlaih hna i pinah an vuak hna ti thawng kan theih.

Kha tikah Hakha mino pawl a rian rannak in an i chawnbia hna i tam ngai te Chin Oo Sii Sang ahcun an rak chuak colh hna i an tlaih mi hna mino pa 5 zong an thlah colh hna tiah kan theih chap. Mino an i lungrual nak hmuh tikah uar an um taktak β€œtuni Mino thaizing hruaitu” timi cu Hakha mino hna cawlcangh hmuh tikah a tling ngaingai.

The Chin Journal nih an tar langh ning tein kan rak langhter lai:-

Chin Oo Sii Sang ah Mino Tampi an Rak Chuak
β€”β€”
Hakha, Chin Oo Sii ah ralkap/palik nih lamcung i pa 5 an tlaih hna caah Hakha mino tampi an rak chuak. An tlaihmi hna cu an thlah tthan colh cang hna.

Tlaih a tongmi minung pakhat nih, β€œKa lu ah voi 2 an ka tuk. An ka tuk hnu ah palik/ralkap thilthuam aa hruak lomi minung pahnih nih mituknak an i kenmi fung in an ka cheh rih. Asinain, an ka kheng lo,” tiah a chim.Tlaih a tongmi pa panga hi Suhpawng zung chung ah an luhpi hna i, palik le ralkap pawl phone an i chawnh hnu ah a rauh hlan ah an thlah tthan colh hna.

Van Van & Min Cung Sang
The Chin Journal
March 21, Hakha

Be First to Comment

Leave a Reply

Your email address will not be published. Required fields are marked *