Press "Enter" to skip to content

CRPH-CDM Support Team Nih Thawng A Thanh; CDM Bawmhnak Hmu Ding in Mincazin Pek Ningcang

CDM Bawmhnak Hmu Ding in Mincazin Pek Ningcang
—————-
Myanmar ramchung CDM a tuahmi zung rianttuantu hna nih “Committee Representing Pyidaungsu Hluttaw” (CRPH) nih a tuahmi CDM bawmhnak hmuh ding in min pek tik ah mahle khuasaknak hmunhma (Address) pek si loin mahle rianttuannak hmunhma khua min pawl ttial in cazin pek a si lai.

CDM bawmhnak ca ah pehtlaihnak Viber Phone Number zong CRPH nih ramkulh le ramtthen hoih in a chuah cang i, cu number pawl ah cun mincazin pek ding in CRPH-CDM Support Team nih thawng a thanh.

Committee Representing Pyidaungsu Hluttaw (CRPH) cu 2020 thimnak ah teinak a hmumi Amyotha Hluttaw le Pyituh Hluttaw palai pawl nih ralkap nih uknak a chuh hna hnu ah an sermi Committee a si.

Hi CRPH Committee hi US telh in ramdang cozah nih an theihpimi a si i, Myanmar ram mipi zong nih cohlanmi Committee a si. UN Special Palai (Secial Envoy) rian Dr. Sasa a petu zong hi CRPH hi a si.

[Burmese] – ပြည်သူ့ဝန်ထမ်းများအ​နေဖြင့် တိုင်း​ဒေသကြီးနှင့်ပြည်နယ်အလိုက် CDM စာရင်းများ​ပေးသွင်းရာတွင် မိမိ​နေထိုင်ရာ ​နေရပ်လိပ်စာ အ​ပေါ်မှာ အ​ခြေမခံပဲ မိမိတာဝန်ထမ်း​ဆောင်​နေ​သောမြို့ အ​​ပေါ်မှာ အ​ခြေခံပြီး ပြည်နယ်၊တိုင်း​ဒေသကြီးအလိုက် ထုတ်ပြန်ထား​သော Viber နံပတ်များမှ စာရင်း​ပေးသွင်းကြပါရန် ​မေတ္တာရပ်ခံအပ်ပါသည် – [CRPH-CDM Support Team]

#Note: CRPH nih CDM a tuahmi Myanmar ramchung cozah rianttuantu hna kong ah bawmhnak le thawngthanhnak a tuahmi pehzul in theih na duh ah cun “CRPH-CDM Support Team” timi Facebook Page ah kal te.

Rf:The Chin Journal

Be First to Comment

Leave a Reply

Your email address will not be published. Required fields are marked *