Press "Enter" to skip to content

CRPH Nih Cathanh A Tuah Mi Le CDM Ah Zeideuh Dah Federal Democracy Lam Fawi Deuh Hnga

Nizaan ah CRPH nih mah pumpak i runvennak konghe pehtlaih in Upadi ning tein ralkap le palek va leh rulh khawh nak kongah cathanh an tuah.hi kongah mipi lung a vun i tuai ngaingai.zeicatiah tulio Kawlram kan dirhmun cu chim hau lo kan theih dih cio ko.Rul nih ka mei ka lam hna sehlaw cu-cawlh hna ning tibantuk phun khi kan dirhmun a si peng rih.an mei cu vun lam usih law mipi zeidah kan lawh hnga? CDM dirhmun in teh?

Cu lio ah CRPH nih mah bantuk cathanh a vun tuah mi nih hin mipi kan lung-thin a vun tuaitam deuh nak cu a si ko rua ka ti.Mipi nih kan i runvennak caah hriam-hrei vun hmang ve usih law CDM nih ai tinh mi kan pelh sual hnga maw? ti hi ruah lo awk a t’ha lo.asiah cun CDM in Federal Democracy chung luh maw a fawi deuh hnga? CRPH cathanh ningin zulh dawi ah dah Federal Democracy cu a fawi deuh hnga? vun i ceih hmai hna usih.

CRPH nih cathanh a vun tuah mi a tawi fian nak in The Hakha Times nih a vun langhter mi ah hin a fiang ngaingai ko.Mah pum ral runvennak nawl na ngei.Hremnak le harnak pek a um tik ah upadi ning in i kham le i runvennak nawl nan ngei, tiah CRPH nih a thanh. Upadi ning in nan leh khawh ve hna, tinak a si. Cucu, hmanlio mi upadi (sualphung ngan) Dal 4nak ning in a si i mah pum ral i runvennak pin ah nu pawchung in i chuahpi cio mi covo zong a si.

Cucaah, pumpak in siseh, abu(phu), Sang le khua tibantuk in i runven khawh a si. Nan cung i an kut an san ahcun (harnak pakhatkhat an in pek ahcun) Upadi ning in nan leh ve hna tik ah cu nan tuah mi lehnak cu sualphung chung ah a luut lo, tiah CRPH nih a thanh.Phundang cun, Upadi ning in nan lehrulh ko hna ahcun nan palh lo tinak a si.

Be First to Comment

Leave a Reply

Your email address will not be published.