Press "Enter" to skip to content

December 5, Yangon Lamzawhnak A Tuahmi Mino Cu Motor In An Pah Hna, Meithal Zongin An Kah Hna

Nihin December 5, Yangon ah lamzawhnak tuahmi mino hna cu motor in an pah hna, meithal in an kah hna, ralhrang phu nih hramhram in an thil tuahmi cu lehrulh kan cham lai tiah Yangon ramthen PDF nih cathanh an chuah.

Yangon ramthen Gyimintai (ၾကည့္ျမင္တိုင္) peng Panpingyi(ပန္းပင္ႀကီး) lamcung ah nihin December 5, zinglei suimilam 8:00 hrawngah ralhrang uk duhlo in daiten lamzawhnak a tuahtu mino hna cu ralhrang phu hna nih minung ruahnak ngeilo tiang in hramhram in motor he an pah hna, meithal in an kah hna caah lamzawhnak ah a kalmi mino cheukhat an nunnak a liam, cun cheukhat cu hliamhma an tuar.

Cu hliamhma tuar mi hna cu sii thlopbul nak nawl pek duhlo in rallam sialnak hmunah an kalpi hnatiah theih a si. Cu thil cangmi kong ah kan thinlung a faktuk tiah PDF nih an cathanh chungah cun an langhter.

Hriam tlailo in daiten lamzawhnak a tuahmi mipi hna cungah minung ruahnak ngeilo tiangin hramhram thilsual an tuah mi cungah nawlngeitu le nawlchuahtu ralhrang phu le ralhrang kuttang riantuan tu hna, ralhrang riantuannak ah bawmhchanhnak

a tuahtu hna dihlak cu fakpi in lehrulh cham nak kan tuah lai, dothlennak ding caah a tunak in fakdeuh cawlcanghnak kan tuah lai tiah Yangon ramthen PDF phu nih cathanh an chuah. Crd; The Chin Post

Be First to Comment

Leave a Reply

Your email address will not be published.