Press "Enter" to skip to content

Doctor Pari:Bawipa thawngin (zar5 nak ah)Coronavirus in ka dam cang.

Bawipa Pathian thawngin zarh (5) nak ah ka dam (negative) i kaa lawm tuk hringhran. Thlacam a ka bawmtu nan zate cungah kaa lawm fawn. Cun siaherhnak he ka dam lo nak thawng a rak ka haltu vialte cung zongah kai lawm.

Sii inn ka um lio siseh ka chuah hnu siseh derthawm in ka um lio caan ah thazang a ka petu ka pasal cung hrim ah kaa lawm khun. Ka fa le ngakchia an si rih nain an ka theih thiam caah kai lawm. A hlei in mitthli he pehzulh in thlacam a ka bawmtu tampi nan um. Nan min ka langhter lo nain nan ka dawtnak ka philh kho lai lo.

Nan ka dawtnak, nan siaherhnak le zawn nan ka ruahnak vialte ka ruah tikah lawmhnak mitthli a luang. Bawipa Ka Pathian..Nangmah nih na ka dawt lawng siloin dawtu tampi na ka pek caah kai lawm..

Thawngpang dang zong hi relchap ko:

Nu pawl hna hi cu zei tik caan le kum zei zat an si zong ah hin dawh hi an duh cio hna.Tak vun pawl hna hi Skincare tuah lawng ah a za lo.Mah bantuk na sining pawl hna nai thlen ah hin cun nai dawh deuh lai i a no zong na no deuh ko lai…..

1. Chun hlan deuh lawng ah coffee na din lai

Coffee a uar mi na si zong ah chun nazi (2:00) hnu in cun coffee din ding asi ti lo.Coffee hi zingka din nak in zan lei din ah hin ttih a nung deuh mi asi.

2. Zaan ih-phah le Towel pawl hna kha tha tein thlen piak peng ding

A ngan a dam mi le ai dawh mi tak vun ngeih na duh asi ah cun zaan ih-pah le Towel pawl hna kha a caan hman tein thlen piak ding asi.

3. Arsik na ngeih tik ah Scrub tuah bak lo ding

Na tak vun a ro dih ah siseh na hmai ah arsik a chuah ah siseh Scrubs hmang bak hlah.Alcohol ai tel lo mi skincare tu kha hman piak deuh ah a tha.

4. Na ttamh nak pakhat le pakhat kha tlawm pal ngan piak in i thuk ding

Skincare pawl hna ai lo lo mi nai thuk asi ah cun pakhat le pakhat khan tlawm pal in ngan piak hna law i thuk hna.Pakhat nai thuk hnu ah na thil i thleng law pakhat i thuk than.Mah ti na tuah ah cun na hmai ca zong ah a tha deuh lai.

5. Zaan ah tuan tein ih ding

Nikhat hnu nikhat tuah tein ih khawh i zuam.Tuzaan nazi (11:00) na ih asi ah cun a thaizaan cu nazi (10:50) ti bantuk in ih piak ding asi.Na mitkuh a cim asi ah cun na tak vun zong ai dawh lai i a no zong na no deuh lai…..

Thawngpang dang zong hi na rel rih lo cun relchap ko:

COBEM Care Zuar Thok A Si Cang : Ralzaam hna kan zawt fah ii siizung le siikhan kal tikah tlawmpal te tal kan i bawm chan kho hnga maw timi ruahchannak he tlangcung buu hruaitu, COBEM (Coalition of Burma Ethic Malaysia) nih COBEM Care cu tuah a si. COBEM Care zulhphung le sining hna cu a tanglei bantuk in a si.

Kan mipi hna kha an herh bik lio caan ah bawmh le thih loh ton sual tik ii zohkhenhnak siseh zawtfah tik i bawmhnak ding caah tuahmi a si. Kumkhat caah liam dingmi: RM150.00, Kumkhat caah bawmhnak: RM6000.00
A tanglei ah langhter mi dam lonak hna hi a hlan tein a ngei lomi a si lai. Thi he pehtlai in dam lonak Ruh he pehtlai in dam lonak Cancer Thinlung thihri he ai pehtlai mi dam lonak Chuah kaa in ngeih ciami dam lonak Ciruang in ngeihmi dam lonak Thau tuk zawtnak Thihri lei zawtnak Lung lei dam lonak Nau pawi haw chuahhar zawtnak
Keng ruh lei dam lonak Nu le pa sualnak in chawnhmi zawtnak le AIDs zawtnak. COBEM CARE zulhphung tling zoh tthan ding.

POLICY COVERAGE (ZEI BANTUK DAH BAWMH KHAWHMI A SI?) Zawtfah zohkhenhnak, Cozah siizung le private siizung ah kainak man; A tanglei hna telh in: Zan riah in siizung umnak A sang deuhmi zohnak (ICU) Siizung chung thlopnak Operation tuahnak khan man Pum hlainak man (pum thilri thlennak telh loin) Siizung riak loin pum hlainak man Fah theih lonak siiman Siizung chung zohkhenhnak Siizung chung riah lio siibawi he biaruah man Mizaw phurhnak mawttaw man/ Kan dam loning an ttialnak catlap man

Thihnak Kong I bulhnak: Thih lohnak na ton sual ahcun na chungkhat tak nih na hmuh awk zat (RM6,000) a simi chungin a taang rihmi paoh kha an co lai. Chungkhat tak na ngeih lo ahcun bulhnak caah na umnak phu (community) kha RM2,000 peek an si lai.

Mah le mah thah I timhnak, dawhnak pum ca i pum hlainak,Thluak tlamtling lomi, Pum chung khumh ding thir thilri (Ser chommi kutke, thinlung rian ttuantertu thilri, mithman, a dangdang)

A tanglei ruangah a cangmi thihnak zong kan cohlang lo: Member sinak phuah ruang Lainawn in thihnak Nau cungin thihnak Zaang entainak ruangah thihnak Ral kut in thihnak Hlankan tein ngeih cangmi damlonak in thihnak/ pum tlamtlin lonak/ HIV-AIDS Zuu rit lio le rit-hai-sii a hman lio le cu bantuk he ai khatmi thilri a tonghtham lio ah poipang tonnak in thihnak hna cu kan bawm hna lai lo.

Zeitin dah kan sok lai? Mah le umnak community cio kha na pehtlaih hna lai ii anmah nih COBEM Care sokning cu an in chimh lai.

Zeitin dah bawmhnak na ngah ding tangka cu na hal tthan lai? A kumkhatnak na cawk thokin na ngah dingmi tangka zat na hal tthan hnanak dingah ni 60 na hngah hmasa lai. Kum hnihnak na cawk hnu bel ahcun hngah hau ti loin na cawk kaa tein na ngah dingmi cu na hal tthan khawh hna lai.

Bawmhnak peek ding hal na duh tthan tikah na umnak community upa te kha chawnhbiak hnu ah a herhmi cahnah vialte (Bianabia ah: Siizung umnak receipt, siibawi nih cattial piakmi, thihnak certificate le a dang herhmi) I ken hnu ah community zungah na va kal lai. Na ngah dingmi tangka peek hlan ah na apmi cahnah pawl hna cu felfai tein zohnak ngeih hnu ah bawmh na si lai.

COBEM Konglam: Kawlram tlangcung mi komh buu a simi (COBEM) cu a tanglei community buu hna he fonhmi buu khat a si: ACR (Alliance of Chin Refugees) ARRC (Arakan Refugee Relief Committee) CRC (Chin Refugee Committee) KCR (Kachin Refugee Committee) MKO (Malaysia Karen Organisation) MRO (Mon Refugee Organisation) OKD (Organisation of Karenni Development) SRO (Shan Refugee Organisation)

COBEM timi cu a cunglei community hna le NGOs, hmun khatkhat he pehtlaihnak, ralzaam bawmhnak dingin rian a ttuanmi buu, UNHCR le cozah karlak ah pehtlai tu le chimpiak tu a si. COBEM nihcun hmunkhat ah rianttuan ttinak le midang caah a tthami rian ttuan, (bianabia ah ngandamnak lei bawm dingin hmunkip kalnak le mino cawnpiaknak) kha an ttuan.
Pehtlaihnak: CRC zungah hlat khawh si.

Be First to Comment

Leave a Reply

Your email address will not be published. Required fields are marked *