Press "Enter" to skip to content

Donald Trump caah:Ruachan nak a um tilo’Lungthin a fak ko.

Trump nih a lonhnak Georgia (16) le Pennsylvania (20) ah Biden nih a hung lonh. Vote 99% le 98% an rel cang fawn caah Biden nih a tei thai lai zumh um.

Mah state 2 hi Biden nih tei thai cun Arizona (11) a sungh zongah vote 253 a ngei tthiam rih lai i 253 + 16 + 20 = 289 in a tei lai. Nevada (6) zongah Biden nih vote thong 11 lengin a lonh caah tei chap cun 295 bak a ngah lai.Trump caah cun lam a bit tuk ahhin samfa hmenh aa tlum huaha ti lo.

A tang hi relchap ko:

(Hi hi tunai deuh te khan Trump bak nih a van share) Republican Donald Trump cu a thinhung taktak cang. Supreme Court tiang an phan cang. Cu lawng siloin tutan election ah khan thil dik lo timi paoh paoh Report tuah nak ding a tuah. Mah cacun Laimi zong nih Donald Trump bawmh khawhnak caan kan nei ve hi asi. Trump nihcun “Tell us what you are seeing” tiah nan thil theih mi le hmuh mi poah cu ka chim u tiah thawng thanhnak a tuah. A tanglei ah tling deuh in van rel.

Trump le Biden buai nak bik cu voi tampi kan post ko cang caah nan theih dih lai cang tiah ruah nak kan nei. Tutan ahcun Donald Trump nih thil a diklo a timi paoh report tuah nak ding a van chiah mi kong hi a si. Call khawhnak numer le case report tuahnak ding zong tling tein Trump nih hin a van share. Cu cu a tanglei hmanthlak kan van thlah mi hi asi.

Trump nih report tuah nak a ser mi ahcun hi bantuk hin capar aa tial, “Help Stop Voter Suppression, Irregularities, and Fraud. Tell us what you are seeing. Report a case : http://djt45.co/stopfraud. 888-630-1776.” tiah thil dik lo nan theih mi poah cu ka chim u tiah thawngthanhnak a tuah. Mah cacun Laimi zong nih kan bawmh khawh lio te asi. Democrats pawl nih thil dik lo an tuahmi nan theih poah ahcun Trump nih number a van tarlangh mi ah khin thanh peng khawh a si lai.

Biden le a hawile kong a si a tang hi:

Atu US vote an rel cuahmahmi State Nevada i sihni vialte lak i bawi a rak si balmi (former Nevada Attorney General) Adam Laxalt timi Pa nih cun tutan US ithimnak ah lih le hrawkhrol le hram hram in thil diklo tuah a si ning a langhter. Sihni bawi Adam Laxalt nih a chim ning ah Nevada State i mail i vote thlak ning phung cu Election 90 a tlin hlan te khan an thlen a ti. Hi thil nih hin Trump le a party pawl caah harsatnak tampi a pek.

A chimning ah ‘ A hramthok i chim ka duhmi cu ‘Teinak lam thluanpi ah kan um ko nain Democrat party nih tutan election cu an vaivuanh cikcek. Mail i vote pawl hi minthut (Signature) tak tak he aa kaihmi a si maw timi zohnak nawl pakhat hmanh a kan pe lo. American mipi nih mail i kuatmi vote hi dik tein an rel rua tiah an ruah lio ah hi thil hi a si. A dikmi vote tak tak thlak a simaw timi zohnak nawl an kan pek duh lo.

Zan saupi it lo in aum mi ka si tawn, asinain hi thil hi zinglei suimilam 3:00 am bak ah an tuah. Cun zantim zong ah vote hi an rel. Chun ni tlak an rel cang i thaizing tiang vote rel hi kan hngah a hau rih lai. Ralrin kan pek hna. Kan theih ding ah Democrat pawl nih kan covo (rights) a kan pe lo i Ukil (judge) lei zong nih hi thil hi an theih ko.Vote 400,000 cu zahan zan khan thlak a si i asinain zeihmanh fiangfai tein check nak le zohnak lam pakhat hmanh a um lo.

Fianghlang tein (transparency) a um lo. Kannih cu an thil tuahmi zumh ding lawng nawl an kan pek. Tha tein check nak nawl a kan pe lo. Adam Laxalt nih a chim ning ah ‘Nevada State nih hin Mail i vote thlak hi rakk duh hna hlah selaw Trump nih hin teinak a hmuh hrim hrim ding khi a si. A thimi cangmi voter (dead voter) zong an um hi zumh a si rih. An thil tuah ning hi a dik lo hrim hrim tiah a langhter. Source: Breitbart

Be First to Comment

Leave a Reply

Your email address will not be published. Required fields are marked *