Press "Enter" to skip to content

Donald Trump cu Joe Biden nih a tei i,Joe Biden cu US rampi umtu President ah thim a si cang tiah thanhnak an tuah cang

A tu lio a linsa taktak mi US ram ithimnak konghe pehtlai in tutan US ram ithimnak cu US tualchung ral a tho kho mi dirhmun ah a um peng ti cu mi zei paoh nih theih a si.ni fatin US tualchung sining thawngpang cu update peng a si.media tam deuh hna nih thawngpang an thanh ning zoh tik ah ni fatin thinphan dai lo a si tiah chim usihlaw kan palh tuk lai lo dah.

US ithimnak konghe pehtlai in nawlngaitu EC hna nih cun phungning tein Trump cu Joe Biden nih a tei i,Joe Biden cu US rampi umtu President ah thim a si cang tiah thanhnak an tuah cang.asinain media cherhchan in thil umtu ning zoh tik ah Trump le Biden ah a ho deuh dah US president a si te lai ti cu fiangfai tein theih khawh le hngalh khawh taktak a si rih loh.zeicatiah thim mi Pu Joe Biden cu US states zei maw zat hna nih cun kan President ah kan cohlang lo tiah an hnawl.

Cupin ah Pu Joe Biden nih US president sinak aa cuh nak ah ningcang lo in vote a firmi kongah a tu tiang Trump cozah nih kherhlainak an tuah peng rih.US Election Result konghe pehtlai in Senator Tommy Tuberville nih cun mah tin a vun chim ve.tutan US Election Result cu ningcang te le dotla mi result a si lo caah Trump nih zeitik paoh ah challege a duh a si ah cun a caan a nei peng.cucu Election Result challege nak kongtu cu Trump kut ah a um mi a si i a mah duhthimnak a si lai tiah a chim.

Cun a tu hi Congress Morris Jackson, Mo Brooks Jr tiah a min theih mi pa nih Trump aiawh in US House inn pi chungah US Election Result cu challege nak a tuah lai tiah a chim.asinain Trump le Biden karlak thil umtu ning fiang tein a langh khawh nak ding caah US House lawng si lo in US Senate zongah Election Result challege tuah veve a hau.a mahbelte Senate ah a ho nih dah Trump aiawh in challenge a tuah lai ti bel a fiang rih lo.aa rual in House le Senate ah challenge an tuah a si ah cun January 6 tik ah President sinak rian i chawnnak or i hlan nak an neih tik ah zei hmanh buaibainak a um lai lo tiah a chim.

Be First to Comment

Leave a Reply

Your email address will not be published. Required fields are marked *