Press "Enter" to skip to content

Donald Trump:Nih Khrifa a sinak mipi sin ah a langhter cang.

Uar um kho taktak si. Trump nih Khrihfa a si nak a langhter than cang. Kan Bible ahcun “na ral kha va daw” timi bia a um. Cu bantuk cun Laimi nih kan uar ngaingai mi Trump nih a tu dirhmun ah a ral bik simi Joe Biden cung ah hi bia hi a chim i, Khrihfa a sinak a langhter. Tunai deuh kan van post cang bantuk khan Biden cu fak ngai in aa hliam. Trump nih aa hliam ti a theih bak in mah ti hin Trump nih a wish, “Get well soon.” tiah a dam zau khawhnak ding ah a wish. A tu dirhmun ahcun Trump caah Biden hi a ral bik a si.Asinain Trump nih hin Biden hi pumpak in a hua taktak lo timi hmuh khawh a si. Khrihfa a si bantuk in a lungput zong a tha ngaingai.

(Joe Biden aa hliam nak kong kha a si) Joe Biden cu zahan ah khan Lente a celh nak ah fak in in aa hliam. A poi bak ko, upa lei a si cang caah zaangfak ngaingai khi asi. A tu Biden hi kum 78 bak a si cang. Cu lio ah zahan ah khan lentecelh nak ah aa hliam. A hliam nak hi a ke (ankle) ah a si. Sunday zaanlei ah khan Orthopedist sin ah check-up tuah dingin a kal i. Doctor te nih zohfel nak an nei lai.

Orthopedist sin ah check-up ding in a kal lio hi media pawl hmuh an siang loh i Biden team nih mipi an block hna. Asinain @nbcnews nih Orthopedist in a chuah lio hi video in an rak lak. Rau lo ah social media ah a lar colh. Doctor nih a chim ning ahcun Biden nih hin a ke orh lei(right ankle) cu a ulh(Sprained) tiah a chim. Joe Biden doctor nihcun CT hmangin zohfel nak kan nei than lai tiah a chim.

Relchap ko thawngpang dang zong hi:

Trump caah thawngpang chia tak tak Pennsylvania lei in a chuak. Pennsylvania i court a sangbikmi nih Trump le a team pawl nih tazacuainak an tuahmi mail in tlakmi vote 2.5 million thihternak cun an hlawnh piak diam.
Pennsylvania Supreme Court nih cun tuni khan (US Saturday) ah court hme deuh nih order a tuahmi cu a cohlang lo.

Court hme deuh nih hin tutan ithimnak hi cohlang (certify) lo dingin nawlnak a tuah. Tazacuainak nih a duhmi cu hi state chung i mail in vote pawl hi US phunghrampi ning in a kal lo (Unconstitutional) tiah a ti. Hi tazacuainak hi kan hnu thla khan rak up cangmi a si. Cun Trump zong nih voi tampi a chim phuan cangmi a si. Tuni Saturday khan Pennsylvania Supreme court nih a hlawnh piak hi a si. Trump caah cun thawngpang chia tak tak a si. Zeitin US pi hi a kal lai ti ruahawk a tam ngai ngaicang. Source: Daily Mail.

Thawngpang dang hi relchap ko:

America lemcang minthang taktak a simi actor Jon Voight a vun holh ve cang. Donald Trump dirkamhnak bia a chim lawng si loin Democrats pawl hi America ram hrawh dih a tim tu an si tiah a chim fawn.

Vawleicung lemcang minthang, hlasakthiam ti bantuk celebrities tampi nih Donald Trump an soisel lio ah Jon Voight tu nih cun a dirkamhnak bia cu a pumpak Twitter in a hun langhter hi asi.

Twitter ah minute pahnih tluk a sau mi video a thlah “Donald Trump lawnglawng hi America ram a khamh kho tu ding cu asi, Democrats nih America hi hrawh le thlehbauh dih an timh” tiah a chim i America mipi dihlak nih Donald Trump dirkamh a herhnak, Donald Trump lawng bak hi America ram a khamh kho tu a si ti lei in forhfialnak a tuah hi asi.

Tutiang ahcun America President thimnak dirhmun a linsa ngai rih ko. Donald Trump nih fawi tein sungh cohlan a tim lo. Nizaan tiang zong ah fak ngai in bia a chim nolh, Biden nih White House a luh khawhnak ding ahcun Vote million 80 hi lih pakhat hmanh um loin, teinak ka hmuh mi a si ko timi tehte a langhter a herh a ti. Cucu Biden le Democrats dirhmun in langhter awk a tha lomi, a har tuk mi a si kho, cu caah buainak a kal viama rih kho tiah zumh cio asi.

Be First to Comment

Leave a Reply

Your email address will not be published. Required fields are marked *