Press "Enter" to skip to content

Donald Trump:Nih laimi kan harsat nak a kan theipiak ka mang ah.

Zahan ka mangah kan khuaah, Trump he rawl kan ei tti ti si. Rawl a kan petu nu hi ramdang nu a si nan Laiholh a thiam i a aw cu a pei pah ve. Mirang a si lo, Arab lei India lei miphun a lo pah. Trump cu a rak to cang i ka vung tthu ve. Laitlang kan harning cu hehtiah ka hei ruah len i Lairam ahcun kan har tuk i rawlkhim eiawk hmanh kan nei huaha lo i “Mai le Kawm” lawng pei kan ei ko cu ka ti i nan harning ka theihthiam ko tiah a hei ka leh ve.

Mah cun a hmaichia nawn khin ka ei huam tilo a ti i khatlei ah a mer. Rawl a kan petu nu nih cun a ei huam ti lo i nangmah nih khan tampi in ei ko ne a ka ti. Ttuang i kan tohmi belpum cu a phul dih i a phulmi cu ttuang cungah a liam dih ti si. Khengpum mi khin rawl cu ka hei suah tthan i khengpum mi zong cu a phul i a liam dih ve ti si. Ka mang cu ka hei ruat i Trump a sunghnak kongmen hna si ko lai ka hei ti. Laitlang kan harning kong ka hei chimh lenmi nih a sawh duhmi cu mi sifak le bawmh haumi a bawmh duh hna lo le zei i a rel piak hna lomi khi a si men lai ka hei ti.

Khuasik mang cu chim awk a tam ngai ko. Zahan le tianzan ka mangah “Dawthniang samthlairem dawhhlei cungcuang senri pardawh” ka hmuh ko e. A rak ka ruat ngai i si ko lai hi ka hei ti. Ka lung hna leng ngai ve. Duh dawtnak cu tipi thuanthum le tlangkua tlanghra zong nih a dang kho baklo hi. Hmun zungzal ko seh nang le kei duhdawtnak hi timi hla kha i sak peng ding siko hi.Catial tu saya Van Tum.

Be First to Comment

Leave a Reply

Your email address will not be published. Required fields are marked *