Press "Enter" to skip to content

Donald Trump:Nih USA cozah a sik cang hna’Biaknak kong he pehtlai in.

USA ram khal November 3 ah rampi hrilawknak nei ding an si ih Party pahnih cu nehnak co tum in an zuam aw rero. Cumi hrang US ram sung hmun tinkim ah feh in mipi thu an sim vivo ih hrilawnak ah nehnak co dingin tan an la. October 18,zarhpi zing ahcun US president tuan rero lai Trump cu hrilawknak hrang buai rero men loin a thlennak Las Vegas Biakinn ah a khawm ih a hlu khal a thla ve rori.

President bik Biakinn ah a khawm cu Biakinn sungih mipi an phur dan a danglam zetih hrekkhat cu President Trump rori rak buaipi khal an um.

Asinan, President Trum cun mipi cu ziangah a ngaihsak lo ih mipi hrang caan hmang a silo timi fiang zetin Pathian thusimtu Pastor Parul Marc Goulet ih thusim cu mitthep loin a ngai ,a zoh keukeu. Pastor Parul Marc Goulet khal a phur zetih Pathian thei,Pathian tihzah ,Pathian ngaihsak US in President an neih cu sunglawi a ti thu a rel tlunah President hrang thlacamnak le thusimnak a nei.

US President Donald Trump ih khawmnak hmun Biakinn cu Las Vegas ih um The International Church a si. Church Pastor cu Parul Marc Goulet a si ih khawmnak cu hlasak ,thlacam khawmnak le Pathian thusimnak in caan an hmang. Covid 19 daan le dun vekin khawm an si ih President Trump cu a caan awl le zarhpi zing ah um men loin Biakinn ah a khawm. Thawnhlawm /a hlu a pekmi cu Media pawl ih buaipi bikmi a sinan,zumtu tamsawn cun President rori Biakinn ah feh in a khawm cu tiah thazang an ngah zet.

US ahcun rampi hrilawknak hrang Party pahnih lawng an zuam aw ih Democratic party le Republican party an si. Democratic party lamin Biden cu US president thar si dingah zuam rerotu a si ih Republican lamin US President tuan rero lai Donald Trump cu President tuan peh dingah zuam rerotu a si ve. a hnuaiah zuk pawl …

Be First to Comment

Leave a Reply

Your email address will not be published. Required fields are marked *