Press "Enter" to skip to content

Dr .CK Hrang Tiam Nih ‘Dr. Ngun Cung Lian sin Cakuat’ Tiah A Cakuat Hi Rak Rel Ve

Dr. Ngun Cung Lian Sin Cakuat(By: Dr .CK Hrang Tiam)
===========================================================

Dr. Ngun Cung Lian sin cakuat!

Minung kan sinak taktak hi midang nih an hmuh khawh lomi kan chunglei nun (interior) khi a si deuh. Na chunglei nun taktak ah miphun dawtu le Khrihfa taktak na si ahcun mipi a kapthattu hna kha “thil thaalo nan tuah. Americah i ka rak cawnmi phung nih a cohlan khawhmi a si bak lo. Cucaah nan caah tiihnung tukmi thil a si” tiah zumlotu misual pawl kha na chimh ngam te hna lai tiah ka zumh. Cu dirhmun ah cun Moses kha a rak dir. Jehovah le a miphun hawi a ttanh hna ruangah Egypt siangpahrang innpi kha a rak chuahtaak.

Asinain, na chunglei nunah miphun dawtu taktak le piangthar mi Khrihfa taktak na rak si lo ahcun Laimi le Khrihfa mi caah ttihnung taktak mi na si cang lai. Kawlram mipi thisen tampi a chuahtertu le mipi nunnak a latu zongah nai tel zau te men ko lai. Nan bawi pawl he Night club ti bantuk ah ei-din pah in meeting nan tuah lai i nungak dawhdawh nih an in zitmuai te lai caah na nupi le na fale caah cun Hell tlak bantuk a si te lai. Cu lam i na kal peng ahcun na chungah Jesuh Khrih a um lo caah a si caah Hell tla ding na rak si tinak a si ko hnga. Cu tikah meithal ai tlaih ve lomi mipi nih cun kan in tei kho lai lo nain dinfelnak a tanhtu kan biakmi kan Pathian lawng nih na cungah teirul a kan champiak te ko lai. Na minung sinak taktak cu a rauh hlan ah na kan hmuh zau (reveal) cang ko lai hih!
(Zawnruahnak he)

Crd# Dr.CK Hrang Tiam

Be First to Comment

Leave a Reply

Your email address will not be published. Required fields are marked *