Press "Enter" to skip to content

Dr. Hmuh Thang : Ralkap Party tiah Party Dang nih a kan Soisel caah kan Sung

Chin ramkulh hluttaw palai Thantlang i aa cuh mi Dr. Hmuh Thang nih a ka ralchanhtu party dang pawl nih USDP cu ralkap party tiah soisel in vote lemsoinak an tuah ruangah kan sunghnak hi a si, tiah a chim.

“A ngaingai ah cun a dang party pawl nih USDP vote nan pek ahcun porter nan phor tthan lai ti phun in vote lemsoinak an tuah tikah mipi zong nih cuticun an ruah ve caah a hlan ralkap chan i porter an rak phorhmi le hrem an rak tonmi kha kanmah USDP cung ah sual an kan phorhter. A ngai ngai ah cun kanmah USDP kan kai hnu ah pei porter phorh te hna a um ti lo cu! Ningcang loin vote lemsoinak ah an hman caah a si,” tiah Dr. Hmuh Thang nih a chim.

Thantlang peng ramkulh hluttaw 2 hmunhma ah CNLD in Pu Hmun Ro Lian, NLD in Sayamah Ni Sui Lian, Pumpak in John Lung Thli Tum le USDP in Dr. Hmuh Thang an i zuam hna i, NLD in Sayamah Ni Sui Lian nih a tei dih hna. Sayamah Ni Sui Lian hi 2015-2020 ah Thantlang peng aiawh in Pyituh Hluttaw ah a tthumi a si i, tutan ah ramkulh hluttaw ah i tthial i Dr. Hmuh Thang a vun zuamcawh tik ah teinak a hun hmuh tthan hi a si.

Atutan thimnak ah Chin ramkulhpi huap in NLD nih tthutdan 36, CNLD nih tthutdan 1 le ZCD nih tthutdan 2 ttin an co hna.

Be First to Comment

Leave a Reply

Your email address will not be published. Required fields are marked *