Press "Enter" to skip to content

Dr. Lian Hmung le Solomon nih Bishop Lucius tonnak an ngei.

Tuzing 26.10.2020 sml 9:00 am ah CNF/CNA Hruaitu pawl asimi Dr. Lian Hmung Sa Khawng le Colonel Solomon nih kan Bishop Lucius cu Pastoral Center, Hakha ah an tong i tonbiaruahnak an ngei.

Dr. Lian Hmung Sa Khawng nih a chimmi cu atulio hi Myanmar ram ahhin Fededral State kan ngah khawhnak caah rian kan `tuanlio pi asi caah thlacamnak in nan kan telpinak lai bawmh kan hal ati.

Relchap a duh mi hna caah a tang:

Zahan zan debate zoh cu a voikhatnak debate nak in zoh an dawh deuh. Presidential debate tuahtu phu, The Commission on Presidential Debates nih zulh phung an thlen caah si dawh a si. Moderator nu nih debate tuah hlan ah debate zulhphung tha tein a chim ta hna. Moderator Kristen Welker hi NBC news in White house reporter a tuanmi a si.

NBC News cu nan theih cio bang in left wing, liberal media an si. Trump a do ngaimi media an si caah debate an tuah hlan tein zeitluk in dah Donald Trump a rengh te lai tiah an zoh ciomi a si. An chim bantuk tein Moderator Kristen nih President Trump cu a biachim lio ah voi 24 a bia tan. Asinain Joe Biden cun voi 2 te lawng a bia a tan an ti.

Zahan zan debate an tuahmi kha phun ruk a si. Avoi khatnak debate lio i biahalnak an tuahmi kha a tam deuh cu a si. Fighting Covid-19, American Families, Race in America, Climate Change, National Security, Leadership timi kong an si.

A tlangpi in President nih a tei ti khawh a si. Main Stream media cheukhat nih Joe Biden teinak a pemi an um nain Trump teinak a pemi zong an rak um ve. A cheu nih an I tluk an ti.

Asinain keimah hmuhning te ah Joe Biden nih American families, Race in America le Climate Change ahcun a tei. Asinain Trump nih Covid 19 , Natioanal Security le Leadership ahcun Trump nih a tei ve tiah ka hmuh. Biachim an nolhmi vialte he fonh dih ahcun a tlangpi in tuak tik ah Trump nih a iap deuh tiah ka hmuhning a si. Zeitindek na hmuhning a si cio?

Be First to Comment

Leave a Reply

Your email address will not be published. Required fields are marked *