Press "Enter" to skip to content

Dr. Maung Maung Nyein Tun Te Nupa Cu An Tlaih Hna Hnu ah Thonginn Ah A Nunnak A Liam>>>>

Ralhrang Nih An Tlaih I Tazacuai Mi Doctor Thonginn Ah Covid In A Nunnak Liam
=======================================================

CDM a tuah mi Mandalay Lecturer in Surgery Ralhrangbu kut in Covid in a nunnak a liam
CDM a tuah ruangah ralhrangbu nih an tlaih mi Mandalay sii-innpi in pumhlai thiam siibawi Dr. Maung Maung Nyein Tun (kum 45) cu thong chungah covid-19 zawtnak a chawnh ruangah a nunnak a liam tiah Mandalay siibawi hna sin in theih a si.

Dr. Maung Maung Nyein Tun hi thonginn ah zawtnak a chawnh ruangah Mangdalay sii innpi ah zohkhenh a si lio ah tuzing August 8 suimilam 6:38 ah a nunnak a liam tiah a nu Dr. Ma Ma May nih a mah social media cahmai ah a tar ve.

Dr. Maung Maung Nyein Tun hi Mandalay sii innpi le Thitaku sii inn zong rian a tuan mi a si i, ralhrangbu nih uknak an lak hnuah CDM ah a lut mi a si.CDM a lut hnu zongah a zohkhenhnak caah tangka a ngei lo mi mizaw hna cu man lo in operation zong a tuahpiak tu hna a si.

Ralhrangbu nih CRPH le NUG he pehtlaihnak na ngei, na bawmh hna tiin July 19 ah khan a nupi Dr. Swe Zin Oo (specialist) he an inn ah an tlaih hna i, Mandalay Palace biahalnak hmun ah an hruai hna hnuah Mandalay baho thonginn ah khumh an si.

Thong a tlak lio ah covid-19 a chawn ruangah Mandalay sii innpi ah chiah a si i, sii inn ah ni 10 chung a um hnuah a nunnak a liam hi a si. Sii inn chung a um lio ah Mandalay CDM siibawi pakhat nih ‘mi caah man a ngei tuk mi siibawi pakhat a si. Ralhrangbu nih tlaih hna hlah sehlaw mahbantuk vanchiatnak hi a tong lail o. Ralhrangbu nih an thah mi a si tiah a lungfah ning a chim.

Ralhrangbu nih an tlaih ve mi a nupi Dr. Swe Zin Oo zong thonginn chungah covid-19 zawtnak a chawn ve tiah theih a si.
Ref; BAP

Be First to Comment

Leave a Reply

Your email address will not be published.