Dr. Naing Htoo Lwin Thih Kong CNF nih Ngaihchiatnak Ca Chuah

Dr. Naing Htoo Lwin Thih Kong CNF nih Ngaihchiatnak Ca Chuah
——–
CNA sii lei ralkap ah rian a ttuanmi Dr. Naing Htoo Lwin nih bia aa tiam bang in October 15 ah miphun le ram caah a nunnak a pekmi cung ah CNA nih upat hmaizahnak kan ngei i, taantakmi chungkhar kan ngaihchiatpi hna, tiah an langhter. The Chin Journal

thawngpang dang relchap : Good News: SAC Ralhrang Hriamnam A Phor mi Motor MNDAA nih An Tlaih Khawh

SAC Ralhrang hriamnam pawl a phortu Motor cu MNDAA pasaltha pawl nih an tlaih khawh, an motor mongtu, motor a zultu pahnih zong an tlaih hna pin ah an hriamnam pawl zong an tlaih dih hna ti a si.

Myanmar National Democratic Alliance Army (MNDAA) hi Kokang hriamtlai an si i Tlangcung hriamtlai lak ah min ngei ngai pakhat an si ve. An mah hi kum 1989 in rak dirh ve cang mi a si i caan saupi Kawl ralkap he kahdaihnak a tuah mi an si. A si nain President Thein Sein chan ah faak ngai in MNDAA le Kawl ralkap karlak dohnak a rak chuak i Kokang region cu Emergency tiang an rak thanh mi asi.

Tutan rampi buainak, hramhram in Min Aung Hlaing nih rampi uknak a chuh hnu ah MNDAA zong biatak tein a cawlcang mi an hun si ve i SAC ralhrang he kahnak voi tam ngai an ngei manh ve cang.

“Nizaan ah SAC ralhrang Meithal le hriamnam pical zeimawzat a rak phor mi motor cu MNDAA nih an kham i an tlaih hi asi. Hriamnam an phorh mi hi a tam ngai. Cu pin ah motor mongtu, a rak zultu zong an tlaih hna” tiah Kachin media nih a tarlangh ve.