Press "Enter" to skip to content

Dr. SaSa A Zaam Tiah Kan Rak Soisel Mi Kha Kan I Palh Dipdep Ko Lo Hme Maw

Kum 2021 cu lungretheihnak in kan i din cang lai kan ti lio ah Kawlram miphun caah cun ngeihchiatnak nih a kan zelh tthan hoi ko. Kan lau kan kaa a pit holh awk le chim awk kan thei ti lo.

February 1 ah Ralkap nih cun uk nak laak cu a timh tthan i Kawlram hruaitu bik a simi Aung San Suu Kyi le president hna le tthenkhat NLD party chung tel hna cu tleih khih an vun si tik ah mipi hna cu lau le thinphan lo awk kan ttha hrim lo.

Cu lio ah Laimi (Chin) nih kan i bochan ngai mi Dr. SaSa cu a thongpang theih awk a ttha ti lo i a zaam tiah theih arak si. Cu tikah mipi hna nih heh tiah soisel nak le mawhchiatnak kan rak pek zei dah ai timh mi si ti hngal lo le thei loin heh tiah miralchia pa tiah kan rak aukhuan hnawh len hmanhsehlaw zaam loin rak um sehlaw an tlaih ve lai cu mu cu tikah a tu bantuk hin rian a ttuan kho ti hnga lo i Kawlram pi cu zei dek kan lawh hnga.

Atu hna ahcun Kawlram pumpi caah palai bantuk a si cang. CRPH zong nih representator caah an thim i heh tiah rian a ttuan cang zei tluk in dah mipi caah a tthathnem. CDM zong akal peng ve caah hliam hma in siseh thih loh nak zong tampi kan tuar ve hmanhsehlaw Kawl ralkap caah thinphang dai lo a si ve ti kha kan philh lo awk a si. Dr SaSa a rian ttuan ning zoh tikah Kawlram ralkap caah cun thinphan lo awk a ttha lo.

Tu nai te zong khan Vawlei cung i upadi lei thiam sang an timi hna sinah Kawl ralkap hna cu tazacuai ding in ai sawm cang hna tiah amah timeline bak ah theihternak zong avun tuah tthan khah. Mirang holh van i hlan cun pressure tam tuk te ralkap hna cu a pek hna ti hmuh khawh asi.

Cu caah kan rak soi mi le kan rak aukhuan hnawh mi pawl kha kan i palh ko lo hme maw tiah kan van langhter mi cu a si. Laimi cu Khrihfa kan si bantuk in pakhat le pakhat thlacamnak in kan i bawmh ahau i Dr SaSa zong a rianttuannak ah thlacamnak he bawm peng rih hna sih. Lungrual tein kan ttan rih a si ko ahcun tei nak cu kan hmu te hrim ko lai.

Be First to Comment

Leave a Reply

Your email address will not be published. Required fields are marked *