Dr. SaSa Bialehnak Hi Uar Umtuk Eh, Ralkap Pawi Cu An Thin Cu A Khawihtuk Hna Lai Teh.. Cei Hna seh

စစ်ဗိုလ်ချုပ်တွေသာ အနှစ်၇၀ နေ့စဥ်နဲ့အမျှ နိုင်ငံကို သစ္စာဖောက်နေတယ်လို့ ဒေါက်တာဆာဆာ တုံ့ပြန်
======================================================

မြန်မာနိုင်ငံကို ကုလသမဂ္ဂတပ်တွေ၀င်ပြီး ပြည်သူတွေကို အကာအကွယ်ပြု ပေးဖို့ အဓိက ဆော်ဩနေတဲ့ လွှတ်တော်ကိုယ်စားပြု ကော်မတီ CRPH ရဲ့ ကုလသမဂ္ဂဆိုင်ရာ အထူး သံတမန် ဒေါက်တာဆာဆာကို နိုင်ငံတော် သစ္စာဖောက်မှုနဲ့ အာဏာသိမ်း စစ်ကောင်စီက ဖမ်း၀ရမ်းထုတ်ပါတယ်။

စစ်အာဏာရှင်က သူ့ကို သစ္စာဖောက်တယ်လို့ ပြောတာဟာ ပြည်သူတွေနဲ့ တသားတည်းရှိတဲ့သူဆိုတဲ့ အဓိပ္ပာယ်မျိုး သက်ရောက်လို့ သူ့ အနေနဲ့ ဂုဏ်ယူတယ် ဆိုပြီး ဒေါက်တာဆာဆာက တုံ့ပြန်ပါတယ်။

အဲဒီ စစ်အာဏာရှင်တွေပဲ နှစ်ပေါင်း ၇၀ အတွင်း ရက်စက်ကြမ်းကြုတ်မှုတွေ၊ လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေကို ဆက်တိုက် ကျူးလွန် နေခဲ့ကြတာ ဖြစ်တဲ့ အတွက်၊ အဲဒီ စစ်ဗိုလ်ချုပ်တွေ၊ စစ်အာဏာရှင်တွေသာ နိုင်ငံတော်သစ္စာဖောက်မှုကို နေ့စဥ်ကျုးလွန်နေတာ ဖြစ်တယ်လို့လည်း ဒေါက်တာဆာဆာက တန်ပြန်ပြောဆိုပါတယ်။

လမ်းမတွေပေါ်မှာ နေ့စဉ်နဲ့အမျှ အသက်တွေကို ရင်းပြီး ဆန္ဒပြနေကြတဲ့ ရဲရင့်လှတဲ့ မြန်မာပြည်သူတွေကို ဟန့်တား ပိတ်ပင်လို့မရသလိုဘဲ၊ သူ့ကိုလည်း ဟန့်တားပိတ်ပင်လို့ မရဘူးလို့လည်း ဒေါက်တာဆာဆာက ပြောပါတယ်။

#ဘီဘီစီမြန်မာပိုင်း
ဓာတ်ပုံ-Getty
ဒီသတင်းအပါအ၀င် စစ်အာဏာသိမ်း နောက်ဆုံးရသတင်းတွေကို ဘီဘီစီမြန်မာပိုင်း လိုက်ဖ် စာမျက်နှာမှာ တိုက်ရိုက်တင်ဆက် ပေးနေပါတယ်။
https://www.bbc.com/burmese/live/burma-56331237