Press "Enter" to skip to content

Dr Sasa Cu Chikhat A Hmai A Chia Ne A Lung Zor Sual Hnga Maw

Tutan Dr.Sasa Cu UN Ah ai chuah sual deuh ko rua e!A tu lio Kawlram buainak kong he pehtlai in CHRO Director Salai Bawi Mang Lian cu CBN media nih Onlien Biaruahnak an neihpi. Salai Bawi Lian Mang nih tampi a chim mi chungin Dr.Sasa konghe pehtlai in a chim mi te khi ka vun tar langh mi a si.zeicatiah cun Dr.Sasa le UN karlak ah zeitin set in Dah a dirhmun a si ti hi Mipi nih kan i fian awk a si tiah ka ruah.Dr.Sasa zong nih a mah Fb ah a tarlangh mi cu a tu lio kawlram buaibainak kongah mipi nih nan hmuh theih mi hna cu kei mah Inbox ah a deltail tein rak ka kua ulaw UN ah ka chim lai tiah a chim.asinain UN ah cun Dr Sasa hmuh awk a um lo zeiruangah dah a si?vun zoh usih.

Tutan ah Dr.Sasa cu UN Palai ah thim a sinak hi tawlrel tu hna le Ram mipi hna he fian rial tein i ceih hmai hnu ah thim mi a si lo.thil khuaruahhar ngai cu a si.kei mah pumpak in UN cawlcangh ning a kherhlai lengmang mi ka si caah kei mah pumpak hrimhrim in kai lawm tuk.Dr.Sasa rian kongah NLD cozah sangbik kan pa le cheukhat nih rak dirkamh ti zong ah an kan fial i kan ti khawh tawk ah cun kan dirkamh lai,kan mah Chin miphun bak te a si fawn.a mah belte zeitindah kan t’ampi khawh lai ti mi bel ka thei lo.a mah Dr.Sasa tu hna nih a rak ka pehtlaih ah cun ka ti khawh tawk ka bawmh lai tiah ka leh hna.

Asinain thil biapi ngai mi cu a cozah zong si t’unglo in UN ah va luh khawh ti mi hi thil mak a si.cun UN ah bia va chim khawh nak ding ah cun Cozah pakhat nih β€œCredit tantion” kha pek hnu lawngah bia chim khawh a si.cu hmanh ah a cozah kha UN nih a theihpi mi a si hau,a cozah min lawng in UN ah biachim khawh a si.Cucaah cun a petu CRPH kha a cozah an si lo caah UN ah biachim khawh nak lam a tlawm te.Mah cucu CRPH le a mah Dr.Sasa nih hin an lung a fiang rua lo tiah ka ruah.

Dr.Sasa zong nih CRPH nih Palai ah an thim mi cu UN zong nih Dotla ah an ka cohlan lai tiah ai ruah men lai.cucu a ngahlo mi a si.Dr.Sasa cu kan mah Mipi nih kan pawm ning le ka uar ning ka bochan ning bantuk in UN ah cun a ngah lo mi a si.Dr.Sing Win nih NCDUB ti mi an rak dirh.cucu Norway le Sweden ram le zei maw zat nih an cohlan mi a rak si.mah cu a si na in Dr.Sing Win ah UN Meeting nak ah cun kan rak kal na in inn chungah luh an kan senh lo.rampi zei maw zat nih an theihpi mi Cozah tiah kan i chim zongah an duh loh.

Cucaah UN nih zeitindah process a kalter ti mi hi kan i fian a herh.a ruang cu Dr.Sasa cu mipi nih kan hnabeisei cio mi le kan i hngatchan tuk cio mi a si tik ah thil sining taktak kha kan i fian lo a si ah cun Force Hope ah a cang kho.Cucaah Dr.Sasa nih UN inn chungah zalong tein bia a chim khawh nak ding a lam cu a har ngaingai rih.cu nak cun CRPH le a tu a thu lio mi Kyaw Moe Twin tu khi Union of Burma kan Palai ah rak cohlang rih ko uh tiah Ca chuah hna sehlaw a t’ha deuh lai.Dr.Sasa caah cun thil har ngai a si rih tiah a chim. Note: Mah hi capar hi CBN media nih Salai Bawi Lian Mang bia an hal mi video chungin a biapi deuh tiah vun ruah mi lak mi a si.

Be First to Comment

Leave a Reply

Your email address will not be published. Required fields are marked *