Press "Enter" to skip to content

Dr.SaSa harnak le buainak ka ton mihi’Mipi lawmnak a peh tu le’Pathian ram caah asi e tiin ca a van tial cang.

Tutan ka van tial mihi’Dr.SaSa nih mirang ca in a tial mi laiholh in ka ti khawh tawk tein ka van leh than mi asi a chim hmasa mi cu’Zeitluk harsat nak le buainak a um zong ah kan mah nih tuah duhnak le tuan duh nak lungthin kan ngei ah cun lam a um peng ko e tiah a tial hmasa hi asi.

A tang lei ah a tial than mi cu mah lam cu Pathian nih a uk mi deihnak ram le nuamnak ram a si kho e zumhnak ruahchan nak deihnak mipi vawlei cung ah a um mi hna deihnak a phuar tu harnak a si kho e tizong a tial chap a lungthin put hi uar a um hrinhran’Pathian nih hmang chin ko seh.

A tang hi Salai Lung Thli Tum kong si:

Salai Lungthli Tum hi ka uar lonak phun a tampi ko nain ka uarnak zong a tampi ve. Politic a thiam le thiamlo ah ka zoh lo. Arum le rum lo zong ka zoh lo (Mirum tuk cu asi lai lo). Ka uarnak ti nakin ka zumhnak aum. Cucu Eihmuar lei ahcun a fel hrimhrim lai tiah ka zumh. Cun a nih hi a ralțha i a dik lomi pawl dotu ah a țha cem lai tiah ka zumh.

Chinram hruaitu le Cozah țuanding caah khua fak piin ka ruat tawn. Kan ram ah kan doh awk cemding asimi cu Eihmuarnak asi. Eihmuarnak nih kan ram a hrawh. Eihmuarnak kan doh khawh ahcun kan ram hi a nuam deuh suaimam ko lai.

2021 Chin Cozah hi NLD maw CNLD dek ansi te hrimhrim ko lai. Aho nih Cozah maw Hlawtdaw an tlaih zongah Opposition tuahtu le Check and balance sertu ah Salai Lung Thlitum hi a tha cem ka ti. Eihmuarnak aum ahcun a langhter tertu ding ah le, Cozah le Hlawtdaw nih an i palhmi chim phuangtu ah mi raltha a herh. Cu zawn ahcun Salai Lungthli Tum hi aa tlak bik ko tiin ka ruah.

Independent asi caah zalong tein a doh khawh cem hna lai. a biachim ka ngaih tikah Mara kong tampi a chim. A chim bantukin Mara caah aa zuam lai ti zong ka zumh ve. Cucaahcun Mara nihcun an dihlak in Mee rak pe ko hna seh tihi ka saduhthah asi. Pengdang le tlang dang kong ka chim lo. Mara hrimhrim nihcun Vote an pek awk asi ko ka ti.

CNLD thapetu bak ka si ve ko nain Check and Balance ka tuah tik ah Chin State Hlawtdaw ah hin Salai Lungthli Tum hi aum ve a herh tiin ka ruahnak ka van langhter ve. Chin ram kan dawt ve caah a tha cem in ka hmuh ning asi.
Ram thatnak ding caah Party hoih in zoh loin kan ram hoih in ka saduhthah asi ti kha ka theihthiam piak u. ….
Kalawm
By:Jacob Thang

Be First to Comment

Leave a Reply

Your email address will not be published. Required fields are marked *