Press "Enter" to skip to content

Dr.SaSa hi Politic ah cun hngakchia pei a rak siko hi.

Medical Doctor, Dr. Sasa hi miphun dawtnak le midang zawnruahnak (sifak santlailo) ca ah cun a ngeihchiah nih a va phak fom cu ta! nan chim bang in Zisuh bantuk ah ruahphu a siko, a sinain politic lei ah cun tangcheu awngka bak a si.

Keimah Vok ek le Caw ek kar in vawleicung ah a chuak kek ve mi hmanh nih kan ram MYANMAR Politic issue ah cun a luthak ka hiahter khawh lai.. Suimilam pakhat chung i debate sih law minute 10 ah a thlan hripi a chuak ding phun in ka hmuh.

Politics aa fiang bak lo… “mihrut cathiam” ti awk atha fawn lo, NLD nih an forh an forh i a theihthiam bak lo mi tiang a chim ah khin ka nih a chuak ka tha a ka thirh
By:Doris Rual Thanga

Hakha um nuamnak kong asi a tang hi:

Hakha khua hi Rili in a san pe 6120 cungah a dirmi khua a si, a kik tuk lo, a lin tuk lo. A nuamh tawkte a si. Fikfa zong a um lo ti awktluk a si. Khiangthawng hman a hau ti lo. Khua chung zalam kip, dawrtlang kan i chawh ah rimchia a um lo. Kan dawpmi thli a thiang ngai rih ko rua. Kan mino hna nih nga-ta-fuan ruh kha zeimawzat an kham khawh caah kan tiva hna: Timit, Cum, Chaal, Nawi, Nelpa, Ttawngva, tbt, ah nga hmuh awk in an um len. Leikuang facang an hun za pah cang hna, an i dawh cingling a si. Kan ram, fingtlang kokek sining aa dawh tuk caah hmantlakpi awk hmun tamtuk kan ngei. Pathian thluachuah a si.

Ti-tta hrawn, Thantlang lei le Sakta phak lai hrawng le bang cu a thingram an i dawh khun. Zan ah Hakha Thar in Hakha kan cuanh ah siseh, Hakha hauka viewpoint in Hakha kan zoh ah siseh, aa dawh tuk. Lungvar phuntling khi cabuai cung ah hme tete cio in thle hna sehlaw an muici aa dawh tuk bang Hakha cu zan hmanh ah a nun aa dawh tuk. City timi muisam a ngei cang!

Kan hmet lio in kan tthan lianhnak a si. Cu hmanh ahcun sizung le sianginn karlak ah khua a rak sami kan si i, sizung sang te hi ka tlaihchan tuk rua, atu tiang ka mang ah ka leng ttheu rih. Kan upat hnu ah Pyidawhta ah kan hun i tthial i ramnuam sang an ti ko nain ka mang nih cun a hlam lo.

Inn-car lo ah fungvei dum pa hnih thum a rak ngei pengmi kan si i ngakchiat lio va pel pah lo kal pah, cangvat le nawncek lak i kedan tthit ttha ngei lo in dum kan kal tawn kha ngaih a um. Cep (phei-kalh) kan tunh ve nain kei cu tlawmte lawng ka foih khawh tawn. Hakha khuati hi a tlangpi in a nuam dih ko nain a nuamh khun caan tiah ka ruahmi cu: October 10-November 20 hi a nuam bik rua ka ti.

Ruahpi hang a kao ngai cang, lam a khu tuk fawn lo, khua a sik pah cang nain December 15 in January 25tiang hrawng khuasik nih a hlawm bak in a kan hlawm deng phun khi cu a si lo, pawngkam zoh tik ah hman i thlakpi awk hmunhma relcawk lo in a um caan a si.

Hakha ummi vialte hi lio caan ahhin a nuamh khawh chung in i nuam ve u, hmundang ah a pem, a tlawngmi hna nan mitthlam in hi lio caan te ah Hakha rak leng ve tthan hmanh, thinlung in naa nuam ve kho ko lai. Hi a nuamh bik lio caan ahhin khrihfabu lei nih maw, miphun hruainak lei in maw miphun a huap kho mi puai phunah Thlaithar/Kum Thar/Tho hi Christmas tluk te in hei hlunhlai ter kho chinchin usih law, zeitluk in dek nuamh a tlin deuh hnga. Di a riam kho deuh ko hnga.
By:Lal Pek Lian

Be First to Comment

Leave a Reply

Your email address will not be published. Required fields are marked *