Press "Enter" to skip to content

Dr. Sasa Nih CNLD Nih An I Tlei Mi, A Fiang Lo Mi Chim Than Nak A Nei

Lungsamat Media pawl nih Dr. Sasa Interview an tuah lio ah Dr. Sasa nih ‘CNLD nih an aupi mi Miphun Covo Kan Lak than lai (Retake/Regain/Reclaim) timi hi ka ruat lengmang nain ka fiang kho loh.

CNLD nih biadang chim ding an theih lo ruang ah maw si hnga, keinih cun hiti an au mi hi ka fiang loh kan miphun covo cu khawhka dah a um le kalthan cu an timh? A ho sin ah dah a um le kal an timh? (Kan covo umnak hmun a thei loh tinak a si).

A ngaingai ti ahcun miphun covo kan lak than lai ti siloin miphun covo kan ser lai ti phun deuh a si a ti. A bia holh a hman mi Ser ah mirang holh a hman i (Create) tiin a hman, Dr.Sasa nih CNLD bia an i ken mi hi a thei loh tinak a si.

Thantlang peng Chin Miphun Party (CNLD) zung on nak an tuah khawh cang CNLD nih tei nak cu hmu hram seh! — Chin Miphun Tlangau Kawl phungthluk ah ‘Mifim zong nih zeihmanh an thei dih loh ti a um bantuk in, a theih lomi cu chimhfian a hau ve. Dr.Sasa nih Miphun covo lak than dingmi a si loh, Ser (create) ding mi a si a ti. Lak than (Regain/Retake) timile Ser (Create) timi bia holh cu ai dang tuk.

Van le vawlei an dan tuk tuk in an siding aidang. lak than ding timi cu kan neihciami kha kan philh maw, midang nih an kan lakpiak. Cu bantuk kan neihcia mi kan nei ti lo i kan neih khawh than nak ding ah cun kalthan a hau.

Ser (Create) timi a sullam cu thil a um rih lo mi, thil a cang rih lo mi kha a thar te i ser thar, tuah than tinak a si. Amah Dr. Sasa nih Interview-nak i a chim ban tuk in Chinmi cu Chinram ah kum 800 leng kan rak um cang i Indigenious right (miphun Covo) neimi kan si.

Kum 800 chung miphun covo neimi Chin miphun kan si, Bangali pawl bantuk i ram nei lo mi kan si loh. Ram a neimi miphun kan si. Asinain, kum 70 chung kan covo cu Kawl pawl nih an kan lakpiak cang cuhpiak timi cu hriamhrei he damiah taih (Rope the right) ti a si.

CNLD Party Caah Cun Ningzak Le Ngaihchia Tak Tak Khi A Si – Khuaruah Har News. Kan covo cu Kawl kut chungah a um, Kawl pawl nih an tleih. Kawl pawl nih an duh ning poh in an control. Miphun covo cu lak than ding a si, neih than ding a si. Miphun covo kan ser / tuah (Create) ding kan ti asi ah cun miphun covo rak nei bal lo mi miphun kan si tinak a si.

Miphun covo cu kan lak than ding mi a si i, kan ser thar ding mi a si loh ti kha mihrut te keimah nih hin mifim Dr. Sasa kha theifiang ve seh ti ka duh. (#Jacob R. Thang)

Be First to Comment

Leave a Reply

Your email address will not be published. Required fields are marked *