Dr. Sasa Nih Ramkip Nih A Kan Zuanh Hnawh Lo Siah Cun, Mipi Nih An Mah Tein A Ni Ven Him A Ho Cang Tiah A Chim Cang
CRPH nih UN ah Special Envoy in a thlahmi Dr. Sasa nih Myanmar ralbawi hna cu Iraq in Saddam Hussein,Lybia in Gaddafi,Germany Hittler, hna bantukin an donghnak a si lai tiah a chim.UN nih a langhter ningah ralkap duhlonak a langhtermi a thimi 138 an si cang.
Dr. Sasa nih cun “Ramkip nih fak piin nan kan zuan hnawh lo ahcun rammi hna nih anmah tein an i runven a hau cang” tiah Sky News ah a chim.Cu lawng si loin ralkap nih an lung an thumh lo i an tlaihmi pawl an thlah duh hna lo ahcun Muammar Gaddafi, Sadam Hussein le Osma Bin Ladin bantukin an dong ko lai ti zong a chimchap.
Sadam Hussein cu 2006 ah thah a si. Colonel Gaddafi cu October, 2011 ah thah a si. al Qaeda hotu Bin Ladin cu 2011 ah US Special Forces nih a umnak inn ah an luhhnawh i an thah.Dr. Sasa nih cun India, China, US, UK, Europe le South East Asia ram in Myanmar innpa a simi ram hna sinah Myanmar ralbawi hna hi fak piin dantatnak tuah dingin a chimh, a hal lengmang hna. Nuhrin covo bu hruaitu le upadi lei bawmtu bu zong a ton lengmang cang hna.
Dr. Sasa nih cun ramdang nih nan kan zuanhnawh lo ahcun ramchung ral (civil war) a tlung lai tiah a chim. Dr. Sasa caah biatak tein thla kan cam cio a herh.Credit:Chin Post.
