Press "Enter" to skip to content

Dr.Sasa : Ralhrang Pawl An Ci Hmih Khawh Nak Ding Ah Cun Hi Lam Pakhat Te Lawng Hi A Herh

Dr.Sasa nih cun NUG cozah cu ramdang nih an pom thluahmah a si ko ah cun,a tanglei i a herh mi thil a phunphun vialte cu fawi tein buaipi khawh a si lai i , ramdang mi nih an pommi sinak cu NUG cozah hrang ah hin a biapi bik mi le a herh bik mi a si tiah fiangte in chim phuan nak a neih. Dr.Sasa nih cun “Mipi harsa kan bawm hna maw timi kong ah cun, kan si khawh chung in kan bomh lengmang ko hna nain,a him khawh nak dingah chim lo a tam.

Ahleice in dollar 1 Million dengmang cu bomnak kan kuat lengmang hna. Mizoram lei i a zam mi Chinmi pawl zong a si khawh chungin buaipi le bomhchanh an si ko Asinan,an herh mi zeizong vialte kan tuah piak khawh lo mi hna cu a hman mi a si.Tuchun ni tiang cu a si khawh chung le ka tuah khawh chungin ka bomh cuahmah ko hna. NUG min in a silo i, mibawmtu pawlkomh min in kan tuan thluahmah ko lai.

“Tulio dirhmun ah hin facang tunkhat hmanh phurh a fawi i ralthuam kong ah si seh bomhnak kong zongah tuah ding mi thil a tam tuk. Ramdang nih kutsih bak in an kan zoh sawhsawh loh hi timi cu kan theih ah a tha, kannih zong nih thawng kan thanh ve lengmang ko hna. Bomhnak pawl mipi kut ah phan kho lo dingin ralkap pawl cu biatak tein an cawlcang i, mah cu lak ah, NUG i an harsatnak cu mipi zong nih an theihthiam bak a hau cu bantuk canah mipi an tuar tuk tawn i, curuang ah cun kan i doh peng nak hi a si.

“Ramdang nih hin NUG cozahan kan pom ding mi hi a heeh bak mi a si, cuhrang ah cun a si khawh chungin kan theih tawk in kan i zuam cuahmah lio a si. Zsiruang ah dah ramdang nih pompi mi si kan herh kan ti a si ah cun,a tanglei i kan herh mi vialte hi tampi an kan bomh khawh lai. cumi hrang theitawk in kan zuam rero. Ralkap lei nih an kan phihpiak mi a um bantuk in, kan mah lei zing nih an chawva lut ding mi phih piak ve le, an kut ah ralthuam lut lo dingin tuahpiak, an palai pawl cawlcang kho lo dingin tuahpiak timi cu a herh bak mi a si.

“Ralkap cu chawva lei in a tlachia ding i kan tuah hna pinah, ralthuam lei tla chia ding zong in ramdang mi pawl cu ralkap sinah ralthuam zuar lo dingin kan nor cuahmah hn. Ram tam tuk cu ralkap sinah ralthuam zuar ti lo dingin biachah nak an neih cang i,cucu thiltha tuk a si. A herh bik mi cu mipi lungrualnak hi a si. Tutan ah tlangcung mi le kawl lakah rualremnak tampi a chuah phah i Generation Z in CDM tiang kan lungrualnak in hmunram tampi a lak lai ti mi hi a si,” tiah a ti.

Be First to Comment

Leave a Reply

Your email address will not be published.