Press "Enter" to skip to content

Dr Sasa: Ralkap(Tatmadaw) Hna Hi Kawl Ralkap Tiah Auh(Koh) Awk An Tlak Ti Lo

Chin mi hi Pathian nih A kan dawt i hi tluk kawlram buai lio ah Chin mi theng tein thil ti kho bik tu ti sih law kan palh lai lo. Dr Sasa hna rian ttuan dingin Pathian nih a thim tikah Chin mi hi kan hmai ahngal ngaingai.

Zahan ah cahmai tawi tein ca attial mi cu uar a um i Kawlram mipi lungthin zong a tongh ngaingai pinah comment tete zong a tam. Zei tin dah a ttial ti ahcun Kawl ralkap hna cu Kawl ralkap tiah auh(koh) tlak an si ti lo ti hi a si.

” Kawl ralkap(Tatmadaw) hna hi kawl ralkap tiah auh tlak an si ti lo, Ram mipi him tein ven ding an si lio ah an mah ralkap li la tu hi mipi dohtu an si i mipi caah cun ralhrang an si cang, kawlram mipi 54 million caah cun February 1st thok khan Ralhrang an si cang.” ti’n amah Dr Sasa fb cahmai ahcun tawi fiang tein a langhter.

Credit: Dr Sasa
Thawngpang Relchap:
Ni nikhat hnu zual lei kan panh chin thluahmah ko Ralkap zong daih hrim an i tim ti lo, Nizaan ah le Hakha Sizung pi ah cun hmun an khuar i Quarter chung i aum mi vialte CDM i aa tel mi cu an chuah dih hna ti thawng kan theih.

Pinah Sizung i mizaw a um cuahmah lio mi milu in 30 hrawng zong an tthawl dih hna tiah kan theih i, mizaw lak ahcun CNA/F ralkap pakhat aa tel ve i a zual hma deuh caah tuzing khan a nunnak tiang zong a liam phah tiah thawng kan theih tthan.

Cu tikah tuzaan khan The Chin Journal sin in thawng kan theih ning ahcun Mino tlaih ding mi hna cu min nga(5) an langhter tiah theih a si i cu chung ahcun Salai Ngun San Aung le Dr Cungpi zong an i tel tiah an langhter chih. A tang lei ah hin an langhter ning tein kan rak langhter ve lai.

Hakha ah mino 5 tliah ding in nawl an chuah. Tlaih ding in nawl chuahmi han cu:
1. Salai Ngun San Aung
2. Salai Elishama
3. Salai Ni Ceu
4. Dr. Cungpi
5. Salai Van Tin Lian
A cunglei mino 5 hi pohma 505 in sual an phawt hna i tlaih ding in nawl an chuahmi hna an si. Hakah lansone ah palik/ralkap (SAC) nih zapi hmuh ding in an hmanthlak an tar hna.

Credit: The Chin Journal

Be First to Comment

Leave a Reply

Your email address will not be published. Required fields are marked *