Press "Enter" to skip to content

Dr.Tluang Cung Thang:Chinram ah coronavirus tampi a um cang lai.

Khua chung ah kan theih loin COVID-19 zawtnak hi a um ko lai tiah an zumh Chin Ramkulh, khua chung hna ah kan theih loin COVID-19 zawtnak hi a um cang ko lai tiah Chin Ramkulh chung Ngandamnak lei Zung riantuantu cheu khat nih an chim.

Chin Ramkulh chung ah COVID-19 zawtnak cu hmuh a si cang ko nain Quarantine chiah mi le zawtnak chek mi leng ah zawtnak a ngei mi hi khua chung ah an um lai maw, ti mi biahalnak ah atu bantuk in tuanvo ngeitu nih an chim hi a si.

Falam Sii-innuk Dr. Tluang Cung Thang nih, “COVID-19 zawtnak hi kan hngalh loin kan khua chung ah a um cang ko lai tiah ka zumh. A ruang cu, zawtnak umtuning le zawtnak kan hmuh mi hna kan zoh tik ah hin, a um cang ko lai ti mi zumhnak ka ngei. A hnu bik zawtnak kan chek i kan hmuh mi hna hi khoika hmanh ah khualtlawnnak an ngei lo. Falam khua chung ah hin cun zawtnak cu a um cang ko lai tiah ka rauh. Hakha-Thantlang zong ah hin i chek sehlaw a um lai, kan hmuh rih lo bia tu a si lai, tiah ka zumh. Cun, COVID-19 zawtnak hi zatuak 60% cu hmelchuhnak a lang lo. A lang mi zatuak 60% hi thil rim a thei lo mi an si. Cun, zatuak 40% hi a dam lo mi an si. Cu tik ah zawtnak hi a phan cang ko lai,” tiah The Hakha Times ah a chim.

Cun, Chin Ramkulh Ngandamnak Zung Assistant Director Dr. Sharon Par nih, “Kannih hi Chin Ramkulh Peng 9 chung ah rian a tuan mi kan si. Ramdang in a rak tlung mi nih phurh mi si loin kanmah chung bak in i chawnh hi kan tih bak mi a si. August 16 ah Rakhine Ramkulh chung ah a rak cang mi zong Local Transmition kan ti. Khualtlawnnak a ngei lo mi le zawtnak a ngei mi he zong a umti bak lo mi sin ah zawtnak hmuh a si tik ah, Second Wave kan rak ti. Cu tik ah, Chin Ramkulh chung zong ah khoika hmanh khualtlawnnak a um bak lo mi sin ah zawtnak an hmuh mi hna an um. Zawtnak hmuh mi chung ah hin zawtnak hmelchunhnak a um mi sin zong ah hmuh an si tik ah kan khua chung ah hin zawtnak hi a um cang ko tiah ka ruah,” tiah a chim.

Cun, Chin Ramkulh Peng kip cio ah COVID-19 runvennak ah rian a tuan mi tampi zong nih kan theih loin kan khua chung ah COVID-19 zawtnak a um cang ko lai, tiah an zumh ning zong The Hakha Times Zoom biaruahnak ah an chim cio.

Be First to Comment

Leave a Reply

Your email address will not be published. Required fields are marked *