Press "Enter" to skip to content

Dr.Vanlalnunmawi Nih Nungak Tleihhrem A Timh I, A Ngah Lo I Lungpang Ah A Zuan pi

Tuliao Mizoram i ramri buainak silo mi thildang a lar ngaimi pakhat cu sibawi JH Vanlalnunmawia nih nungak tleihhrem a timh i, a hlawhcham ruangah lungpang cungin zuanpi a timh i a zuanpi liao ah vanchiat lei vantthat ah lungpang cung i phone hri zammi cu nungak nu nih ai pah sual caah cheng palang cung i tla loin a luat a taang. Cuhnu zongah cun sibawi JH. Vanlalnunmawia nih nungak nu cu sualpi a timh tthan nain lampi i a kal cuahmah mi mipi pawl nih an van chanh manh.

Community Health Centre i Medical Officer ttuan liao mi sibawi JH.Vanlalnunmawia ( kum 29 ) nih Sakawrdai nungak Darlawn i rianttuan micu Sakawrdai ah ka kal lai ka mawtaw ah i cit ve law tiah a sawm i a chungle pawl zongnih an zumh ve i nungak cu sibawi JH.Vanlalnunmawia mawtaw ahcun an kalter. A hram thok ahcun mi pathum an sinan, pakhat cu an khua a naih deuh ruangah lamlak an khua ah a ttum. Pakhat a ttum hnu cun pahnih lawng an si cang i Sibawi JH.Vanlalnunmawia nih cun a nungak phurhmi cu theiti le zu cawh mi a pek. Nungak nunih cun hi bantuk ka ding ballo a ti i a hnek chih nan a duh lo i, a mah nih a din thlu.

Sibawi JH.Vanlalnunmawia cu a zu dinmi ruangah a ri deuhdeuh i nungak a phurhmi cu a van tonghtham thluahmah. Nungak nu nihcun a rak hro chih nan a thi a kai chin lengmang i nungak nu duhlo buin tleihhrem a zalh. Nungak nihcun zangfah nakten rak ka thlah ko na motor inka hi ong law ka ke in ka kal lai tiah a nawl chih nan Sibawi pa JH.Vanlalnunmawia nihcun rem a tilo i thah in a hro cer. Culiao ahcun nungak nu cu thlacam nakin can a hmang peng. Sibawi JH.Vanlalnunmawia cu a thin-ai a thok deuhdeuh i nungak nucu a zalh khawh lo tikah chengpa lang cung i zuanpi dingin a hro.

Zuri ti takah a bia bantuk cun mawtaw cu cheng palang lei ahcun a mawngh i vantthat ah lungpang cheng i an phunmi Jio phone hri tung an pah i an taang. Nungak nu cu a lungre theih he a lau he a law dor ngai ngai i Dr.JH. Vanlalnunmawia nihcun sualpi a zalh tthiam tthiam. Cutikah,nungak nu zong theitawk in bomnak a hal i a au peng. Cu liao te ahcun motor dang pakhat a rak ra i cheng palang i motor tangmi an hmuh i nungak au thawng an theih cun an hei zuanhnawh colh.Khua muih hnu a si caah motor chokvai zong a tlawm. Nungak nu nih thil sining a chimh dih hna hnu ah JH.Vanlalnunmawia zong palik sin ah an up colh ve.

An kongkau cu ni 2,3 hrawng hmanh a liam rih lo nan Sibawi JH.Vanlalnunmawia nih ukil (sihni ) hmangin Court ah amahkhan in chuahnak a hal nan,amahkhan a halmi cu tuni October 30 ah Court nih a rak pom lo. Sibawi JH.Vanlalnunmawia kongkau cu phung ningin Court nih a ukil ( Sihni ) a rak chimh. ( Aizawl Post )

Be First to Comment

Leave a Reply

Your email address will not be published. Required fields are marked *